熱門:

2018年10月8日

方卓如 方如玉帥

並非生活在和平時期

美國股市一片向好,全憑特朗普減稅同放寬Dodd-Frank金融法案,將金融海嘯之後嘅辣招取消,股市即刻生晒。又一次證明水清無魚,管得太死就市況不活,定律中外千古不變。

當然,美國經濟強勁,支持企業盈利上升,要加息對付通脹,令美元轉強,資金紛紛回流。可以話,美國各方面條件都非常利好,大把子彈同全世界開經濟戰。

美國唯一罩門是債台高築,21萬億美元國債,根本冇諗過要還,新債養舊債,是典型龐氏騙局。不過,全世界只有這個龐氏騙局,係人人都睇得穿,但又被迫參與。所有國家印貨幣都要外滙儲備,只有美國唔需要;外滙儲備,又必定要有美元資產。美元資產,唔買美債,又可以買什麼?即是說,美債是建基於別國貨幣增長,別國要印銀紙,就要買美債,試問又有邊個國家唔需要印銀紙?只要外滙儲備呢個要求一日存在,而外滙儲備又要係美元資產,美國就可以繼續借錢唔還。

有沒有國家要突破美元掣肘?有,委內瑞拉就嘗試突圍。這個狂印銀紙嘅國家,想出用自己豐富嘅石油資源做貨幣嘅錨,支持貨幣,推出虛擬貨幣petro。呢隻就係全球第一隻點石成金、本土政府說了算、用本國資產支持嘅貨幣。別人笑佢太瘋癲,國家竟發虛擬貨幣,其實佢不知幾創新,用新方法突破美元枷鎖。

其他國家未有咁進取,但一樣唔會坐以待斃。俄羅斯增加外滙儲備入面嘅人民幣成分,是進一步要人相信,唔係美元先可以叫人信。美國一定唔會讓世界出現第二隻儲備貨幣,否則美債沒有人買,要還,到時候唯有就係打仗,世界大戰,將債務一筆勾銷。呢個世界,債主唔係最惡,有核彈嘅債仔最惡。

其實現在已經係戰爭狀態,有人話係中美冷戰,但銀紙作為子彈,而家嘅經濟戰一樣可以兵不血刃,令對方亡國。委內瑞拉是一個好例子,不費一兵一卒,人民生活就可以變成活在戰爭狀態。美國同中國開了戰,係唔會自己休戰;中國迎了戰,亦唔會投降求和,歷史上戰爭投降嘅國家,政權都會不穩。美國中期選舉,想特朗普輸?好難,因為佢加了咁大嘅類固醇俾美國經濟,萬一失勢,美國由高位跌落,仲慘。既然佢開了先河,置全世界不顧而令美國形勢大好,只好讓佢繼續。

戰爭狀態,人民生活在戰爭之下,你應該明白,點解你最近看見咁多恐怖、不文明、自由社會唔應該發生嘅事情,因為你已經並非生活在和平時期。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads