熱門:

2018年10月10日

方卓如 方如玉帥

披着狼皮去做綿羊

今日《施政報告》重點必定係填海造島。點解?逢係大動作,都會預先張揚,令社會有心理準備,唔會平地一聲雷,殺大家一個措手不及。畢竟,為政府保駕護航都要準備個說法,否則好難講得自然流利。目前只有填海預早放了風,今年開始嘅大項目就是世紀填海,唔需要等土地大辯論結果。

民主社會都有陰暗做事嘅一面,美國最高法院大法官,擺明是有取態傾向,所以共和黨主政時,就揀個年輕保守嘅大法官,哪怕佢被指控曾經侵犯女性,與法官不吃人間煙火,公正嚴明嘅形象大相逕庭。唔民主嘅社會更加唔使多講,趕走一個外國記者根本唔使任何解釋。相安無事咁多年,突然被趕走,大家知係什麼事。最受傷害嘅,唔係個外國記者,佢本來就會調去巴黎,最傷嘅其實係特首。佢要走出嚟話唔使解釋,同時要硬着頭皮話要捍衞新聞自由,又唔夠膽直言講出人所皆見嘅原因。

呢個同時係香港沒落嘅直正原因,永遠要扮民主、扮開放、扮自由,披着狼皮去做綿羊,老襯底,無膽轟烈地幹。填海,光明正大,填咪填,填到人人有樓住,無人住劏房,完全冇問題。點解要搵民間團體做打手,拍廣告,學人哋西方社會影響民意?反正政府係唔需要理會民意,諮詢研究唔啱用嘅,負責人都可以連同報告一齊掉入垃圾桶,矯情做一輪民主辯論同埋整造民意,扮順應而做,呢個先最令人反感,扮民主嘅獨裁永遠係最難頂。不過,唔使勞氣,2030年地球已經唔適合人類居住。所以填出來嘅人工島,完成後就會浸咗落海,要超支再填。完成後,香港已經無足夠人口居住,全部住在大灣區,人工島可能全部喺郊野公園,符合環保人士要求。

只要你眼光夠闊,睇清現在活喺什麼世界,區區趕走一個記者,小事一樁,明天繼續返工。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads