熱門:

2018年10月11日

方卓如 方如玉帥

要學當年霍英東

《施政報告》,明日大愚。唔係,明日大嶼。將來沒有離島小輪,全部道路連接。未來20年都有大型基建項目,填海造島,鋪橋搭路,有排搞。未來香港GDP增長有保證,政府每年都狂使錢,香港一定可以維持數字上的經濟繁榮。

未來七成係公營房屋,賣價又同私人市場脫鈎,香港將會分化為兩個階層。事實上,香港人已經活在平衡時空,一係生活在夢幻之中,一係生活在地獄之中。唔只係睇你副身家有幾厚,仲睇你心胸有幾厚。凡事太執着,有錢都可以生活得好痛苦。

產婦先係《施政報告》最大受惠者,尤其是打政府工嘅產婦。前四後六變成前四後十,德政,不愧係女特首。以後起樓要有育嬰室,業主齊齊分擔一啲未必用得着嘅設施,相信都只有女特首先可以有咁細緻嘅政策。

未來香港最發嘅係建造業,發展商都未必有咁好賺。一萬億,十幾廿年嘅大基建,太肥美了。有細路,快啲叫佢去學紮鐵倒泥,包保有工開。香港未來唔再係金融中心,而係建造中心。金融中心,股票市場將無法養活咁多人,尤其是香港人。呢幾年香港人在股票市場是水尾,要快啲轉行。美國放寬了監管,令股市升完又升。香港愈管愈死,孖展收緊,核數師保留意見停牌,上市後生意逆轉,毫無出路,只可等除牌。

唔買細價股,買騰訊(00700)?突然政策改變,股價可以跌足四成。獨角獸上市?生物科技股上市?股價跌五成。究竟在這個金融中心,應該買什麼股票?諗唔到,買乜都死。香港唔係金融中心,係建造同基建中心,仲有冇價值?

我每日都思考香港有什麼好做。想來想去,原來要學當年霍英東,挖海沙填海。香港仲唔係倒退?

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads