《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2016年2月17日
《金融街密語》猴年第一次同大家見面，年初十拜年還未算遲，先同各位讀者說聲恭喜發財，祝猴年生生猛猛，精靈過人。唔知大家呢個年假點樣過，阿Man身邊唔少行家選擇外遊，而阿Man就怕過年出門人逼人，所以留港消費，而放假期間嘅節目，都離唔開飲飲食食，行街睇戲。
《美人魚》消費禮券歸院線
曾幾何時本港電影業被盜版光碟搞到叫苦連天，但隨住內地持續開放，而港產片同中外合資電影打入內地市場，本港嘅電影業亦走出谷底，漸見出頭天。尤其呢兩年內地電影市場票房收入高速增長，內地市場已成為各個製片商同發行商主要收入來源。睇番內地院線擴展速度更加係一日千里，而香港股票市場亦唔少影業股抬頭，呢個板塊亦漸漸得到投資者垂青。
睇番今次幾部賀歲電影，最矚目當然係星爺嘅《美人魚》，多個影帝兼有影后擔正嘅《賭城風雲3》， 仲有同樣係重量級影帝影后主演嘅《西遊記之三打白骨精》，暫時呢三部賀歲片皆錄得驚人票房收入。而當中美人魚票房遙遙領先，更於內地刷新多項票房紀錄，由大年初一上映至今，票房直衝20億元人民幣。
《美人魚》的成功，星爺今次絕對成為大贏家，值得留意係背後低調嘅發行商星美文化（02366），更為公司打造一個多贏局面，其背後所付出嘅努力，反映公司管理層有超卓水平，日後定能為股東締造更大利益。
為咗成功奪得《美人魚》發行權，星美喺爭奪過程中大膽許下18億元票房嘅包底承諾，原因係公司事前做足準備工夫，運用大數據模型推算，包括其自有院線和影院嘅票房能力、上映檔期、排片率、上座率、導演及演員影響力、粉絲群組、題材屬性等多個不同因素，從而推算出美人魚最低票房可達26.5億元。
票房收入一般係以三三三機制拆賬，由片主、發行同院線平分，星美即使要包底18億元，亦肯定發過豬頭。除咗可觀嘅票房收入，星美今次仲有唔少其他收入，事關每一個入座觀眾，買戲票時可獲得消費禮券，用作喺戲院內消費之用，而呢啲消費純歸星美院線，唔需要同片主拆賬。星美控股（00198）亦已發通告，指集團票房收入比起去年同期大幅增長101.3%，可見成功奪得《美人魚》發行，已為整個星美文化集團贏得猴年漂亮第一仗。
放大圖片 / 顯示原圖
訂戶登入
| 下一篇： | 港股大落後 勿自亂陣腳 |
| 上一篇： | 三月中淡友再部署 |
