《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2016年10月19日
今年內地企業回歸A股上市再度掀起熱潮，無論喺花旗國抑或香港上市嘅內地企業，相繼提出回歸內地上市建議，透過借殼或其他方式，甚至連新三板都唔放過，總之就係要回歸內地股市嘅懷抱。
內地企業回歸上市係因為需要增多一個融資平台，有需要時可增加融資彈性，而業務喺內地為主嘅公司，喺A股上市亦有助品牌及市場推廣。站喺大小股東立場，喺香港上市嘅企業，回歸A股上市有着數，主要係目前A股估值較高，香港市場估值又確係偏低，加上資產淨值折讓較大，回歸A股上市的確可以反映公司真正價值，無疑係一件好事。
A股掛牌可獲一球人仔
至於喺香港上市多間內地中小銀行，除咗天津銀行（01578）之外，其他全部提出回歸A股上市計劃，其中徽商銀行（03698）、哈爾濱銀行（06138）跟盛京銀行（02066）都已經排緊隊。中小型銀行相繼回歸A股上市，主要係今年頭7個月內地廣義貨幣（M2）增長放緩，中小銀行需要擴大市場資本化來補充核心資本，除H股之外再發A股集資，正好解決呢個問題。
過往內地中小企選擇喺香港上市，原因之一係喺香港上市只需要「合規」，唔需要「排隊」，比起喺內地上市容易得多；加上過往能夠嚟香港上市，甚至喺花旗掛牌，即使只係納斯特交易所，能夠衝出中國都係一件體面嘅事。
今時唔同往日，中國強起嚟，能夠喺內地上市，不僅可享有較高估值，阿Man聽聞唔少地方政府鼓勵內地企業返回內地上市，尤其係有質素嘅企業，希望藉其質素強化內地股市。為咗吸引企業留番喺內地上市，各地方政府可以話出盡辦法，除咗提供一連串稅務優惠之外，仲可以去到好盡，狼死到出動現金獎。
有老友八畀阿Man知，有地方政府為咗爭取地方企業喺內地上市，不限內地企業或外資企業，只要成功申請喺內地A股掛牌，即可獲贈一球人仔現金獎。
為咗種種着數，聽聞唔單止中資企業留番喺內地上市，唔少外資公司更刻意跟內地企業組合營，但求能成功喺A股掛牌，懶理上海定深圳市場，甚至新三板亦照殺，目的只為拎到上市獎勵。
徐狄怡．證監會持牌人
訂戶登入
| 下一篇： | 房託風險隨時高過內銀 |
| 上一篇： | 且看能否守穩50天線 |
