回歸展13米高花燈再戰健力士

近日一座大型花燈照亮中環皇后像廣場，引來不少人注目，背後功臣正是夏中建。他曾於2017年香港回歸20周年，創下巨型吊掛花燈世界紀錄，惟相隔兩年，該紀錄先被日本人打破，後再遭泰國人改寫。今年適逢香港回歸25周年，夏中建決定再接再厲，誓要把紀錄奪回中國人手中，「我本身拜神，有道教就有紮作，呢啲係中國人精神一部分，（世界紀錄）無理由落入外國人手上。」

今次的花燈高13.3米、闊9米，由夏中建帶領內地20間學校的中小學生、本港懲教署職員及在囚青年等逾1000人，耗時兩年籌備製作，賀回歸之餘，亦慶祝懲教署改名40周年；選料用上高質「黃帝布」，除透光特強，夜裏份外晶瑩剔透，更能抵禦戶外8級強風。夏中建透露，最難是中間9米闊部分，無論紮作、運輸、裝嵌都要計算精準；作品已於7月2日正式亮燈，展期至10月國慶之後。

慨嘆青黃不接

紮作工藝屬本地非物質文化遺產，尤其傳統竹篾製品享負盛名，惟夏中建慨嘆，香港自九十年代起經濟轉型，愈來愈少新「紮」師兄願意入行，導致嚴重青黃不接，現時業內師傅屈指可數，「掙『紮』求『傳』」成當務之急，「我哋呢行，做學徒首先你要出力搬重物，師傅叫你搬金銀橋你都要搬啦，仲要經常出入殯儀館，邊有人肯學啫？」

若以功能區分，紮作主要可分喪葬、節慶及裝飾三大類，後兩者如今已很少使用竹篾。對於行業前景，他直言悲觀，相信竹篾工藝遲早被燒焊、3D打印技術或內地工廠機械式生產所取代，「（香港）都無晒人（紮作師傅），就算做獅頭、龍頭嗰啲都剩係識一兩味，唔係全科。」夏中建嘆謂：「無辦法，唔到你話事；而家搵學徒，無幾耐佢就話『師傅我唔做喇！去做洗頭好過，嗰度（髮型屋）多女仔，仲搵到兩萬幾（月薪）』，或者走去賣衫賣鞋，有冷氣嘆；做紙紮成手漿糊，出入殯儀館，邊度搵人學？要搵錢多，不如做地盤，所以（傳統紮作）無㗎喇，玩完就算。」

既然深知「十年後或現在失去，反正到最尾也唏噓」，何以仍苦苦堅持？「獅館出身嘅人，點都對獅頭、龍頭有份情意結，其他師兄弟無機會學，我好彩搵到師傅，又搵到食，趁仲有機會，搏命砌多啲，盡做。」

他口中的「盡做」，包括積極與不同機構合辦工作坊，冀讓更多人體驗這門手藝，「等多啲人視為興趣都好，唔一定用來謀生。」以今次製作花燈為例，期間他曾舉行多次視像及面授工作坊；主辦單位會於9月初安排由夏中建主持的中秋花燈紮作工作坊，免費教授。哪怕最終無力令行業回春，畢竟算是曾經努力過。

放大圖片 / 顯示原圖

下一篇：	難忘為家駒梅姐造祭品
上一篇：	紮作大師夏中建細訴40載求藝路「獅王」後人轉跑道巧製花燈創世績

文章：