2022年10月12日
無論一間公司規模幾細,有一種人必定存在,就是阿諛奉承的擦鞋仔,又稱馬屁精。責任是把上頭逗得眉飛色舞,讓在位者享受權力帶來的快感。
同事Benjamin表面上「人畜無害」,平日只顧一臉認真地工作,甚少與大夥兒一起嘻嘻哈哈,除了跟上司談話的時候。「老細,今日又學到嘢。」聽落沒什麼,但再搭多句「我會將你教我嘅嘢發揚光大,傳畀子子孫孫」的話,就會令人隔夜飯都嘔出來。
面對上頭,他的口頭禪包括「冇你就冇今日嘅我」、「直頭當你係老豆」,而且幾乎每句話會在前面加「老細」二字,每次入房面聖也會「直角鞠躬」,不知者還以為他是被金融界耽誤的舞台劇演員。
「老細英明,呢個主意實在太正,咁你都諗到,簡直係世間奇才!」
有一次大會過後,上頭被讚到心花怒放,Benjamin不怕尷尬,甚至反問另一同事:「我係咪誇咗少少呀?」
擦鞋仔的普遍特徵是,工作能力偏低(有能力又懂拍馬屁早就升官發財),Benjamin亦不例外。即使他無時無刻低頭「扮工」,但總有手尾阻礙同事收工,只是很多人敢怒不敢言。有日我不禁向資深同事抱怨:「擦鞋Ben無能人所共知,阿頭如此重用他,難怪上頭總是針對這條team!」
「哈,你有所不知,傳聞擦鞋Ben的女友,就是阿頭的老婆!」我露出難以置信的表情,她繼續說:「佢哋之前另一間銀行做過同事,之後阿頭過嚟幾個月,就帶埋擦鞋Ben過檔。」
什麼?一個人為求在職場生存,連自己心愛的人也甘心放棄,足以成為擦鞋仔的天花板。擦鞋是一門高深的學問,不是人人學有所成。
訂戶登入