2020年7月28日

限聚收緊 二手睇樓客縮沙

政府「加辣」抗疫，將限聚令人數削半至2人，消息即時衝擊二手市場，新界西即日湧現多宗睇樓客縮沙個案，以天水圍單日佔8組最多。業界料新措施令樓市添不明朗因素，未來數天二手交投量將急挫五成。

天水圍向來是不少市民圓上車夢之地，面對政府防疫措施「加辣」，部分準買家選擇暫緩睇樓計劃。中原地產高級區域營業經理黃海稱，該區昨有至少8組準買家打退堂鼓取消睇樓，一半來自嘉湖山莊的預約睇樓客，其中一對準新人原預約後天與父母共4人參觀樂湖居1座低層實用面積448方呎兩房單位，「個盤業主仲要好難先約到」，惟該睇樓客知悉新措施後，認為措施或令該家庭要分開睇樓較為麻煩，故選擇推遲睇樓計劃。

家庭客不欲分開參觀

美聯物業助理區域經理方吉和透露，東涌昨有兩組客取消睇樓，其中一組為外區上車客夫婦，本預約參觀東環及映灣園兩房戶，「本身我有同事約咗啲客禮拜四、五睇樓，頭先再聯絡佢，個客話而家改咗限聚令，再睇定啲先，無可能兩夫婦淨係一個人出嚟睇」，估計未來數天陸續有取消睇樓個案，令區內睇樓量較現時減少約三成。

荃灣方面，中原地產高級分區營業經理呂宗霖說，昨有5組準買家取消睇樓，主要屬換樓客，睇3房單位為主。

市區慘況不遑多讓，香港置業助理營業經理譚征謂，九龍灣昨有兩組準買家取消睇樓，一名準買家原預約本周參觀德福花園一個實用面積538方呎及494方呎單位，但見到政府突然「加辣」，「搞到疫情好嚴重咁」，故決定取消。

除此之外，新措施也打亂租客入市部署。美聯物業高級分區營業經理黃富國稱，將軍澳蔚藍灣畔接連有兩組準租客取消參觀計劃，如旗下一名客戶早於4天前已預約昨日下午4時參觀屋苑一個兩房戶，但最終主動致電分行取消，並揚言短期未有睇樓時間表。

中原鼓勵準買家用VR

中原地產亞太區副主席陳永傑認為，政府進一步收緊限聚令，短期對二手市場有巨大衝擊，「買家、業主加經紀已經3個人，睇唔到樓」，勢令二手市場更不明朗，料未來數天成交量有機會較平日急跌一半，揚言集團會力谷鎖匙盤及連租約不供睇樓的放盤，並鼓勵準買家利用VR睇樓。

利嘉閣地產總裁廖偉強說，新措施難免對二手睇樓客帶來心理影響，繼而影響二手交投，但強調該行會積極配合政府防疫，如超出新措施規定人數，將安排多於一名代理以分批方式帶客睇樓。

放大圖片 / 顯示原圖

下一篇：	金獅兩月賣平近半成
上一篇：	KOKO HILLS煞停周五發售計劃御海灣與帝御．金灣交鋒存變數