熱門:

2017年8月23日

專訪

陸頌雄盼繼承王國興 當建制重炮手

工聯會立法會勞工界議員陸頌雄去年甫上任,即以強烈愛國愛港形象打出名堂,其在議事堂金句多多,炮轟民主派的出位作風頗有工聯會「重炮手」王國興的影子。陸頌雄明言欣賞王國興痛陳利害的議政作風,希望由「小鋼炮」開始,繼承新一代「重炮手」。

作為立法會新丁,尤其是自動當選的功能組別議員,要建立知名度不容易,但不少議會中人均對陸頌雄旗幟鮮明反港獨的風格頗有印象,甚至把他與王國興相提並論。陸頌雄接受本報專訪時,坦言「興哥」是他相當尊敬的前輩,「對工運、愛國事業的投入50年如一日,我好欣賞佢議政作風,痛陳利害。」至於是否刻意繼承王國興「重炮手」的角色,「重炮手又唔敢當,『小鋼炮』啦!」

王國興當年以「拉布一日,蝕16萬罐午餐肉」痛斥民主派拉布而聞名,陸頌雄無意照辦煮碗跟隨,「我明白唔出位好悶,但做得太多又太刻意,為出位而出位,咁樣失咗真;健康政治生態唔係咁,否則只會『有出位,冇出路』。」

與個別民主派有偈傾

陸頌雄表示,上任初期以為傳媒會較重視資深議員的意見,碰巧上任後遇着政府落實合約工時、取消強積金對沖,自己發揮機會比預期中多;亦幸得工聯會「班長」黃國健給予空間,「KK(黃國健)係非常好的大佬,如非最緊要的政治議題,都畀我哋4個後生出去(表達意見),惡啃、未必面面討好的佢先出去講;其實我唔介意講,係驚我講多咗啫!」

陸頌雄毋懼與民主派硬碰硬,要數過去一年印象最深刻的一仗,是向反對興建故宮博物館的公民黨陳淑莊送上原創打油詩:「東宮西宮,不要故宮;方可逼宮,香港冇陰功。」揶揄曾參與政治舞台劇《東宮西宮》的陳淑莊,但他澄清只是角色需要,「雖然形象鮮明係過癮啲,但我唔係『好戰分子』,只係原則性、底線思維好強,凡係觸碰到勞工權益、國家主權,我一定咬到你爆,周旋到底。」

談及就任後不久即批評合約工時方案是魚目混珠、偷換概念,公然與支持方案的時任行政會議成員、工聯會榮譽會長鄭耀棠唱反調,陸頌雄至今拒絕賣帳,「咁我呢個先係工聯會立場吖嘛,咪出來講囉,棠哥都冇話我『死仔,你柴我台呀?』相信棠哥係良好意願,但佢唔應該講呢啲說話啦,我哋咪用最快速度澄清。」

不過,步出議事廳,陸頌雄與個別民主派也「有偈傾」,「例如林卓廷、尹兆堅、 楊岳橋都有兩句;同鄭松泰落樓下食早餐都食咗個幾鐘,只要對方唔好抱住『我要講贏你、窒你、抽你水』的心態,其實都傾到偈。但都有部分人一入到𨋢,就成個氣氛已經凝固咗,嗰啲就飲杯咖啡都難。」

採訪、撰文:周依露

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads