《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2022年5月2日
各位「巴打」，過去兩年是中國投資界的創新科技投資的元年，多隻內地「獨角獸」（即成立不到10年但估值達10億美元以上的企業）都先後完成上市，而VC（Venture Capital，風險投資）與PE（Private Equity，私募股權投資）功成身退背後，其實在選擇投資項目時有不同的邏輯和策略。
高 仁：阿Ken，今次講「獨角獸」、VC和PE又要勞煩你嘞！
Ken陳：高兄，大家老友鬼鬼，唔使咁客氣喎。
戴孤劃：（以普「東」話搶着發問）「鐵哥們」，企業由startup（初創）變成「獨角獸」到上市，究竟會經過哪些募資過程呢？
高 仁：大致上有4個重要募資過程，首輪係天使投資（angel investment），即係企業剛剛成立兼未賺錢，當時融資作為起步嘅資金，呢筆錢金額唔大、估值標準非常主觀，投資者可能係屋企人、親戚、朋友等。
Ken陳：對的，高兄。第二輪係VC，VC會幫助startup企業順利將成果產品化；而第三輪係PE，PE會在企業業務趨於穩定嘅同時，再進行Pre-IPO（上市前）投資；最後就係IPO，當企業規模夠大，就可以首次將股權推向市場發售，繼而把企業帶往上市。
戴孤劃：「鐵哥們」，看起來，VC與PE可以說是在食物鏈的較頂層位置，也是通過早期投資介入冀獲得較高回報，但他們投資的標準有沒有分別呢？
高 仁：VC投資分5個階段，包括種子期、初創期、成長期、擴張期、成熟期，全部涉及較高風險，創新型startup企業比較容易得到VC投資，VC一開始會以入股方式投資，VC投資人亦會積極參與企業內部決策。
Ken陳：市場上startup企業數目多如恒河沙數，VC最重要是有系統嘅打法，若果認為投資其實係「投人」，即係假設優秀創始人成功率比平均水平為高，每個投資項目都要以此為標準；相反，若果強調投資是看「賽道」，有前景的賽道成功率較平均水平為高，每個投資項目就要堅持呢個標準落去。
高 仁：PE則涵蓋企業IPO前各階段的權益投資，即對處於種子期、初創期、發展期、擴展期、成熟期和Pre-IPO各時期企業進行的投資。
Ken陳：PE與VC在投資定位上稍有差異，不同於VC比較喜歡早期介入，PE參與相對較VC為遲，所以主要面向已經形成一定規模並產生穩定現金流的成熟企業。當一個投資項目已經從天使投資一路融資到了Pre-IPO，該投資項目成功率相信已經大大提升，PE最重要係對單個項目的判斷。
戴孤劃：簡而言之，VC是先從微觀入手，注重人和產品本身的能力，直接跟創始人一起打拚，再從宏觀上看未來和趨勢；PE則是從宏觀上看問題，再到微觀上找項目，之後接觸整個管理團隊。
高 仁：戴Sir真係觀察入微。勁呀！
本欄逢周一刊出
如想與高仁交流上市公司的財技個案及招數，請電郵至[email protected]。
訂戶登入
| 下一篇： | 海爾智家上望33元 |
| 上一篇： | 「契媽」偷換概念無奈 股神投資敗筆必記 |
