2021年12月20日
全球疫情擴散,美股三大指數下挫,道指蒸發532點,納指亦先升後回。港股上周五反覆下行,恒指低開11點後跌幅擴大,曾瀉316點,全日收市下滑282點,報23192點,大市成交金額1626億元。
ADR反映港股今日或低開約139點,對比美股唔算低開好多,後續有否反彈,從基本面睇都唔會有太大期望,收市跌少過200點已經係好過預期。恒指上周四守住11月低位反彈,惟翌日即再現大陰燭,參考外圍氣氛,今日破底機會很大,若裂口跌穿,是強烈破位訊號,應順勢而行。
騰訊跌穿敏感三角
炒指數短期仍對淡倉較有利,唔炒指數都仲有唔少造淡對象,科網股有阿里巴巴(09988);美團(03690)亦開始加速下調,全部平均線皆向下發展,20天線剛跌穿100天線,此股造淡經常有被挾風險,惟跌市時動力亦唔低,可衡量風險投入注碼。騰訊(00700)在448元水平已經守過數次,最終仍是失守,圖表剛跌穿敏感三角,應要下試8月低位。
其他淡倉主要心水是濠賭股,金沙中國(01928)剛以陰燭低收,預料快跌穿本月低位,再試新低。原先估計金沙會略跑贏銀娛(00027),現在看來應是不相伯仲,銀娛穿底後,金沙都好快會追跌,兩股Put晒係可行方案。
能源及商品股則有望逆勢轉強,跑贏大市是基本,長期強弱懸殊亦有可能,煤炭股最看好兗州煤業(01171),若今早有較大幅回吐較為可取;金屬股炒完中國鋁業(02600)應會輪到江西銅業(00358),若缺乏好倉底可以揀兩三隻Call。電動車股今時唔同往日,已經無力回升,暫時放棄都得。
訂戶登入
下一篇: | 中概股捱沽 恒指或跟隨探底 |
上一篇: | 期指23104點不容有失 |