熱門:

2021年7月26日

高仁 財圈識真假

LPF與ELP大比併

各位「巴打」應已了解,港府去年8月底推出有限合夥基金(Limited Partnership Fund,簡稱LPF)制度之真正目的。本文高仁將會與「豬朋狗友」探討LPF的主要特點、它與豁免有限合夥公司(Exempted Limited Partnership,簡稱ELP)的不同之處。

沈繼司:《有限合夥基金條例》去年8月底生效後,資產管理人可以在香港成立LPF籌資,毋須透過於開曼群島設立ELP,真係夠晒方便。不過,LPF有乜嘢主要特點?

高 仁:(清了一下喉嚨,嚴肅地說)如果要符合註冊資格成為LPF,首先,基金必須係由書面嘅有限合夥協議(Limited Partnership Agreement)構成,基金亦需要有一名普通合夥人(General Partner, GP),以及至少一名有限合夥人(Limited Partner, LP)。GP和LP是一定要滿足嘅資格要求,即基金中嘅GP必須係以下人士之一:(一)至少18歲自然人;(二)在香港註冊成立私人公司;(三)註冊非香港公司;(四)有限合夥制;(五)有限合夥基金;或(六)非香港有限合夥基金。

施友化:(清了兩下喉嚨)阿沈,GP係承擔基金管理及控制嘅最終責任人,並承擔基金債項及義務嘅最終法律責任。LP對基金持有嘅資產沒有日常管理權利或控制,卻有權分享因基金嘅資產與交易而產生嘅收益和利潤。LP本身須為基金嘅債項及義務所承擔嘅法律責任,不會超過其協定注資款項,但如果LP參與基金管理,就須跟GP共同及個別為參與管理期間負上責任。

港LPF設立成本較低

高 仁:LPF嘅投資經理委任權落係GP身上,可以由GP本人或者其他人士出任,主要執行基金日常投資管理職能。法律規定並無要求LPF委任證監管持牌法團擔任投資經理一職。

施友化:其實,LPF也被視為私人有限公司嘅替代方案,LPF嘅合夥人可以用私人有限公司嘅股東作為比較;LPF必須任命一名授權人來管理資金,就好似管理私人有限公司嘅董事一樣;LPF負責人須履行反洗黑錢和反恐怖主義融資職能,與私人有限公司由公司秘書負責管理異曲同工。

沈繼司:(清了三下喉嚨)會計方面,我應該係最在行,LPF與私人有限公司一樣,兩者都必須完成年度會計審核,獨立核數師由GP委任。另外,LPF和私人有限公司都係由公司註冊處負責其註冊程序。

高 仁:各位「巴打」,除咗本港LPF嘅設立成本比開曼群島ELP較平之外,你哋仲知唔知道LPF有乜嘢好處呢?

施友化:以往要到開曼群島成立基金,一般需要香港及開曼群島兩個地方嘅律師處理法律事宜,成本較高昂;但LPF條例生效後,香港成立嘅基金只須搵番香港律師處理程序,所需費用成本都會降低。

沈繼司:在香港成立LPF最大吸引力在於利得稅及印花稅豁免,如果LPF符合《稅務條例》中「基金」嘅定義,就可以免徵利得稅;另根據《印花稅條例》中LPF權益不屬於「股票」嘅定義,毋須繳交任何印花稅。

高 仁:此外,在香港以金錢形式出資和分配LPF資產,也不用繳納印花稅,但以實物出資和應稅資產(即香港股票或不動產)在基金與合作夥伴之間來往轉讓就不適用。

施友化:無論如何,在香港設立LPF嘅成本效益高咗,唔怪得愈來愈受歡迎啦。勁呀!

本欄逢周一刊出。

如想與高仁交流上市公司的財技個案及招數,請電郵至[email protected]

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads