《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2018年7月16日
各位「巴打」，高仁在《信報》「開壇」踏入第8年，在職場上已被視為「old seafood」。上市公司要激勵「old seafood」或員工團隊士氣，可用的獎賞方法五花八門，其中之一是授出購股權。惟「高仁指點」話你知，上市公司擬調整已授出購股權，隨時可能搞出個大頭佛。
在披露對話實錄之前，請各位「巴打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
施友化──擁有公司私有化經驗的前「唉賓」，被看中轉型為上市公司CFO。
鼓勵員工為公司打拚
高 仁： 施友化，你間公司出完全年業績，AGM（股東周年大會）又開埋，最近有乜搞作呀？
施友化： 我咪幫公司搞緊個share option scheme囉！
戴孤劃： （用普通話提問）購股權計劃！？這是不是公司用來吸引、挽留和鼓勵員工達成長期表現目標，以及激勵員工為公司利益打拚的手段呢？
高 仁： （跟戴Sir用普通話）戴總，你說得沒錯啊！
施友化： 上市公司採納share option scheme需要符合《上市規則》嘅規定，例如，授出嘅options數目不得超過已發行股本一成、已授出但未獲行使嘅option數目不得超過已發行股本三成、行使期限不得超過10年等等……
戴孤劃： （繼續用普通話）10年……那麼長！？說不定中國經濟可能已經翻了一番，妖股股價卻可能跌至「升仙」，購股權行使價也不管用了吧！公司不可以調整一下嗎！？
須符合上市規則條款
高 仁： 當然係唔得！我之前見到有幾間上市公司出通告，聲稱因公司股價下跌同想統一所有share option scheme嘅行使價，建議調整已授出share option嘅行使價，但最終搞出個大頭佛嚟。
施友化： 佢哋可能以為根據《上市規則》第17.03（18）附註2，上市公司option scheme嘅條款細則如有重大修改，又或已授出option嘅條款有任何修改，只要經股東批准就得。但係，佢哋就忽略咗附註3嘅規定，就係修訂後嘅option scheme或terms必須仍然符合第17章嘅相關規定。。
戴孤劃： （繼續用普通話）這又怎麼樣？快說吧！
高 仁： 因為Option嘅exercise price（行使價）嘅釐定基準，至少係下列兩者中嘅較高者：（一）有關證券喺期權「授予日期」嘅收市價；及（二）該等證券喺期權「授予日期」前5個交易日嘅平均收市價。
施友化： 要留意番，規定係講緊行使價同「授予日期」嘅收市價做比較，建議調整行使價同N年前「授予日期」收市價相比。呢個係第17章嘅規定，所以係解決唔到嘅問題。
高 仁： 同意，我見果幾間上市公司之後要再出通告，建議註銷之前已授出嘅share option並授出替代share option，先至可以真正解決到問題。冇辦法，佢哋嘅CFO冇施友化咁夠班，表現可能係差一皮。
施友化： 高仁兄，過獎、過獎。
本欄逢周一刊出
如想與高仁交流上市公司的財技個案及招數，請電郵至[email protected]。
放大圖片 / 顯示原圖
訂戶登入
| 下一篇： | 是時候為歐洲央行鬆綁了 |
| 上一篇： | 再守關鍵位 金價續爭持 |
