買股票先要夾八字

熟悉我的朋友都知我不信風水命理。我當然不敢否定風水的存在，只是自己從未遇到過一位準確的風水師而已。「講埋啲嘢咁虛，又唔準，點信得落呀？」

我有一位朋友卻十分迷信，差點連行步路都要先問過師傅。他知道我不相信，於是叫他的御用風水大師做了一個大膽的預測，要show吓quali咁話。他預言我手上的某一隻股票將會在下月初大升特升。「咁夠薑？」我心諗。就好似有些投行膽敢斷言某某股票能在短期內上升咁權威（雖然很多時候得啖笑）。由於距離下月初只剩一周，姑且記錄下來，好等下個月去拆佢招牌先得。（但係今次我都想佢估中呀！）

我近日碰到另一位久違的朋友，聽他說生意終上了軌道，也替他十分高興。仲記得當年他下海創業，大夥兒都不看好。他辦過很多門生意，包括補習社、餐廳、寫app等等，全部失敗告終。最後竟然是開了一家地產經紀行，卻成功挨出頭來。如果事先要大家估哪一瓣生意能夠跑出，滿街都是地產經紀行肯定最不被人看好，結果卻出人意表爆冷。所以說創業其實都要夾八字，不是迷信嗰種，而是行業需要配合創業者的性格特質，行業前景有時只是其次。朋友性格外向，喜歡與人交流，兼且相識滿天下，做地產經紀最合適不過了。

事實上，做生意要夾啱八字，買股票也是如是。例如性子急的人，買公用股肯定沒戲。又例如膽量較小的人，買概念炒作股將注定失敗。股票要配合投資者性格，亦因此騰訊（00700）能輸死人，垃圾股都可賺大錢，一切取決於大家的性格與哪一類型的股票更為合拍。

所以如果有朋友叫我俾貼士，我會回答：「起番個命盤先講啦！」

http://moybeanplayground.blogspot.com