育兒大學問不只400萬咁簡單

1996年李麗珊在亞特蘭大奧運奪金後，本港掀起滑浪風帆熱潮；就如今天的「張家朗效應」，劍擊學校愈開愈多，珊珊坦言最怕家長「一窩蜂」偏向某項目，「我好記得喺沙灘，見過有小朋友喊住咁上滑浪風帆訓練班，可能佢真係唔想（學）。」

各有潛能不強求女兒接班

珊珊和丈夫黃德森都是滑浪風帆運動員，大半生與海浪同行，惟二人從沒有要求兩個女兒踏上一樣的路，「係咪一定要玩呢？唔係。我成日同佢哋講no pressure（無壓力），你係你，我係我，你唔一定要做媽媽（擅長）嘅事。」反之，她主張讓女兒接觸不同運動，「樣樣都會畀佢哋試，希望搵到自己嘅興趣。」

她形容大女希皚不好動，幼女嘉怡則對運動有團火，小時候玩三項鐵人、跑步、籃球，現於英國讀書，常代表學校參加棍網球（Lacrosse）比賽，「我從來唔會畀壓力佢哋，鍾意做運動，我會支持；不鍾意嘅，我亦不會強迫。」

談到女兒的成長，珊珊開心到眼睛瞇成一線，說細女曾為了參加三級跳上網看影片自學，「每個小朋友都有佢嘅特質、潛能，要放手畀佢試。如果佢真係喜歡嘅話，會自己去搵，唔需要逼嘅。」

笑言經典廣告對白已落伍

十多年前珊珊曾接拍廣告，其中一句對白「養一個小朋友要400萬元」引起社會迴響，被視為指標，「哈哈，400萬已經out（落伍），去年有銀行嘅調查發現要600幾萬，但錢唔係最重要嘅issue（問題）；同運動一樣，錢買不到金牌，你同子女嘅bonding（維繫）、點樣教育佢成為一個完美嘅人，需要花好多時間，期間都一定有好多摩擦。」

她直言，為人父母沒有說明書可照着辦，只能不停從過程中學習。近日大女準備考IB（國際預科文憑），對珊珊而言又是新挑戰，「呢段時間點樣幫佢，又不會為佢帶來壓力，哇！呢個係好大嘅學問。」當日初為人母，她道出金錢規劃的重要，如今大女將近成年，驀然回首，養育孩子不能單是用錢來衡量，還有時間和心機。

下一篇：	運動員出路增退役再闖新天
上一篇：	李麗珊喜見體育凝聚港人心「風之后」寄語勿以獎牌論英雄

文章：

育兒大學問 不只400萬咁簡單

育兒大學問不只400萬咁簡單