《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年5月15日
常言道「人有三衰六旺，運有高低起跌」，遇上逆境，最重要是堅強面對，相信雨後有彩虹；港產跨境電商平台「草莓網」行政總裁伍珮瑩（Jenny）屬這種例子，曾任威普諮詢顧問亞洲區總監的她，2013年因公開批評政府扭曲免費電視牌照顧問報告內容，未幾被辭退，其後經歷婚姻失敗，要獨力照顧3名女兒，熬過難關得以浴火重生，靠的是強大意志和堅強信念。
Jenny讀法律出身，可是自言無想過做律師，「我鍾意做生意，如果讀business（商業），我覺得反而係啲人有咗（盤）生意先去讀，唔係要讀咗先識做，law（法律）就真係專業語言，做生意有呢種training（培訓）好着數，同埋香港可以first degree（第一學位）讀law，美國唔得，咪賺晒囉！咁梗係讀啦。」
大學畢業後Jenny做過電話接線生、客戶服務，甚至俗稱「街霸」的街頭推銷員，非為勢所迫，而是「主動申請」，「嗰陣喺間電訊商負責銷售同市場推廣（部門），我一向親力親為，未試過叫啲同事出街賣嘢？正如最近我做（網上）直播，啲同事覺得香港做直播唔得，無乜人願意，咪我去做囉！證明畀其他人睇，我都得你點解唔得？同埋我要做過先知道要訣，點樣改善。」在電訊業一做多年，九十年代後期她擔任跨國電訊企業「亞洲在綫」的香港總經理，「有一日嗰班（企業）consultant（諮詢顧問）走嚟同我講，叫我賣content（內容），喂大佬，你2000年叫我賣content？賣Microsoft（微軟）個license（產品授權）喎！當時八成人都（用）盜版，點賣？我覺得呢班人（諮詢顧問）亂嚟，流嘅。」於是她索性去進修工商管理及資訊科技雙碩士，自己轉行做諮詢顧問。
抨政府扭曲顧問報告後遭解僱
Jenny初時在美國諮詢顧問公司理特（Arthur D. Little）做亞洲區TMT（數碼新媒體）部門主管，2004年轉職英國Spectrum戰略諮詢公司，做香港開荒牛，「我主動提議佢哋開（香港公司），因為我知自己一個無辦法開間consultancy（戰略諮詢公司），但我又有好多客。」公司其後被威普管理諮詢收購，業績出色的Jenny順利過渡，「老細梗係錫我，嗰陣直情每3個月升一次職，由負責香港，跟住亞洲，之後睇埋全球（業務），入埋董事局。」
工作一帆風順，惟天有不測之風雲，2013年發生的免費電視牌照顧問報告風波，一下子把她從天堂打進地獄，且大大改變其人生觀，「我以前好惡，好出名啦，大把人排住隊請我、排住隊等我開會，生意唔憂做，所以係完全無諗過（被解僱）。」
事緣當年政府計劃增加免費電視牌照，威普受聘就免費電視牌照撰寫顧問報告，Jenny之後公然不滿政府錯誤引用報告，批評當局斷章取義，未幾便要「執包袱」。
事業婚姻皆空 鬧上家事法庭
面對突如其來的「大信封」，她來不及傷感，便須先應付眼前現實問題，「要開飯，要養女，要交租」；詎料一波未平，一波又起，工作危機未克服，夫妻婚姻破裂，曾在家事法庭對簿公堂，甚至一度因牽涉懷疑打架鬧上法庭，絕對是不歡而散。
事業愛情雙失意，難免沮喪，甚至開始懷疑人生，「無論嗰件事（離開威普）定其他嘢，我過去10年係幾艱難。」之後她從事自由身工作，「有時有工開、有時無，無嗰陣都幾depressed（情緒低落）。」
「我試過抑鬱咗好耐，搵社工、心理輔導，睇咗兩年精神科醫生，主要係家事，你都睇晒報紙啦，我好感激嗰位醫生，佢要開藥畀我等我情緒穩定啲其實好易，但佢聽完我嘅問題唔肯開，話唔關精神科事，而係我面對咁嘅環境，正常都會癲，我要做嘅係離開個環境。」Jenny憶述。
她不諱言，離開需要勇氣，「所以點解90%（家暴）被虐者都唔可以離開屋企，因為佢哋已經習慣咗點deal with（處理）個施虐者，要你走出去反而有種fear（恐懼），正如無論你做新業務、轉工定移民，總之轉換環境就有fear。」
決心走出抑鬱 擺脫恐懼換環境
「抑鬱嘅時候好痛苦，喺個窿度走返出嚟係好難，只可以靠自己，你想唔想出嚟、有幾想？你繼續匿喺入面其實可以好舒服，繼續話畀自己聽『我真係好慘，已經盡晒力』，反而出嚟嗰下先痛，要acknowledge（承認）自己好痛，再咬緊牙關繼續行。」Jenny道出該段艱苦歷程。
縱使經歷巨浪起跌，她深信眼前困難只屬短暫，「做人要有遠大目標，個目標唔可以係『月尾有糧出』，我記得出糧會令我開心嘅日子，係出嚟社會做嘢嘅第一個月、或者第一年……只要個目標夠遠大、而且你覺得係啱，你就會不斷諗方法去做；我讀law（法律）、做IT（資訊科技）、做consultant（顧問），都係problem solving skills（解決問題技巧）。」
她舉例說，以往作為諮詢顧問，每次首度踏進客戶公司，「其實我係乜都唔知，不過應承咗個客，要喺deadline（限期）前交貨，無論有無support（支援）都要交。」
Jenny覺得，「既然應承得人，點都要搞返掂佢；人一定有逆境，我對住啲女都咁講，佢哋跌倒咪由得佢痛囉，小事，我寧願佢哋細個嘅時候痛，然後話畀佢哋聽，無所謂，痛下之嘛，所以我啲女（性格）好獨立同堅強。」「人總要勇敢生存」，「強」不在一時，在於不息。
採訪、撰文：許鎮邦 攝影：黃勁璋、被訪者提供
訂戶登入
| 下一篇： | 對人對己一視同仁高要求 |
| 上一篇： | 獎賞黑客找漏洞 確保系統安全 |
