《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年5月8日
常言「出嫁從夫」，木下無為嫁給日本丈夫後，移居九州的長崎，又放棄原本的中文名梅傲雪，連以往英文名Catherine亦很少再用；談到木下無為這名字，也有寓意，「『梅』字英文拼音係Mui，丈夫姓Kinoshita，結婚之後，我就將兩個姓氏Mui Kinoshita拼埋，變成我個名，Mui喺日文讀『Mu-i』，其實即係『無為』咁解。」
嫁日籍丈夫 改名顯深意
「呢個名唔係『改』出嚟，背後有個理念嘅，將兩個姓氏擺埋一齊，因為我覺得結婚唔只係兩個人嘅事，而係兩個家庭嘅結合，咁啱Mui字變做日文又讀到，同埋我信佛，Mu-i譯返做漢字（無為），又好似同我個信念好吻合，一切好似順理成章。」木下無為娓娓道來。
之前新冠疫情封關期間，她有近兩年半時間被迫滯留日本，僅能靠Zoom會議遙控公司業務，問到兩地生活最大分別，她搔一搔頭，笑言：「喺日本梗係『躺平』，個環境好舒服，亦都因為疫情，幫我處理咗自己嘅家庭事務，仲生咗個仔；喺香港嘅日子，經常好密集咁工作，返到日本就多啲時間享受天倫樂。」
事業家庭兩頭忙，木下無為說空餘時間最大嗜好是拜佛，「去道場同埋去道場，哈哈！（是否素食者？）係，食長齋，我個師傅其實係劉德華嘅師傅，喺台灣。」
曾於不同國家和地區居住的她直言，單論生活，日本絕對是首選，「我鍾意接近大自然，（在日本）亦都住喺好近大自然嘅地方，朝早起身直情可以餵吓鴨；返到香港就有好多工作機會，同埋內地市場夠大，只要你肯諗，可以試好多嘢，滿足到我嘅事業心，最緊要中間取得平衡。」
兩地穿梭 平衡事業家庭
「我測試過自己，唔可以超過兩個禮拜唔見個仔，我會唔開心，所以到咁上下就要飛返日本。」提起精靈可愛的兩歲兒子，這位港產媽媽頓時雙眼發亮，「佢一歲剛剛識企，已經對住屋企個佛壇拜佛，我仲即刻拍片，可能佢之前喺我個肚入面就知道要拜。」
訂戶登入
| 下一篇： | 憑空氣淨化燈一炮而紅 |
| 上一篇： | 木下無為 與家品互動添加情感香港設計師協會主席 創作屢獲殊榮 |
