《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年5月8日
愛美是人的天性，隨着社會經濟發展，設計樸實無華的家品，已難滿足消費者審美要求；在港土生土長的香港設計師協會（HKDA）主席木下無為（Mui Kinoshita，原名梅傲雪），從事家品設計多年，曾獲得多個本地及國際獎項，一直對工作充滿熱誠，她笑言：「好享受做到一啲自己會用嘅嘢……我覺得自己欣賞，其他人都會欣賞；做到與眾不同嘅產品，又幫到客戶，好有成功感。」
很多人的設計天份屬與生俱來，木下無為也是這種例子，父母雖無藝術背景，她小時候已具備敏銳藝術觸覺，喜歡繪畫和製作雕塑；然而在其成長的九十年代，香港社會依然由數理科主導，普遍認為「搞藝術等乞食」，故當時她無想過成為設計師，「原先諗住讀數學，（高中）仲畀學校派埋去數學（理科）班。」
老師「罰留堂」改寫生涯規劃
「不過嗰陣有位中學訓導主任覺得我有天份，罰我留堂，同學以為我犯咗咩錯，原來老師只係質問我點解唔讀design（設計），因為佢本身教美術，希望我可以向呢方面發展。」那次留堂改變了木下無為的一生，當晚她徹夜難眠反覆思量，終決定從心出發，向學校提出改讀美術設計，「阿哥知道鬧咗我一大餐，話讀呢啲無『錢途』。」
既選擇先斬後奏，就要有破釜沉舟決心，會考之後，木下無為考入理工大學，由設計文憑開始，半工讀賺學費，大學一年級她隻身到英國旅行，認識一班在中央聖馬丁藝術與設計學院（CSM）讀設計的朋友，「跟佢哋去學校，偷偷哋sit in（列席）人哋啲堂，感到非常有趣，同香港好唔同。」
設計學可分為平面、廣告、室內、產品、時裝等不同領域；喜歡繪畫的木下無為，初時讀平面設計，惟很快就「明白世途多麼險阻」，「讀讀吓接啲（平面設計）freelance job（自由身工作項目），覺得啲客嘅要求好荒謬（笑），例如叫『整10個fonts（字形）設計圖嚟睇吓』，又試過喺leaflet（廣告傳單）幅圖後面，夾硬要我加個龍捲風（圖案）入去，我心諗『X！唔做呀我』。」
堅持個人風格的她，有次跟業界前輩談起做平面設計的兩難局面，對方建議她改讀產品設計，「因為產品係3 dimensional（三維立體），啲客呢方面嘅能力無咁強，會聽個設計師意見多啲。」她聽信提點，又適逢當時到英國旅遊，在朋友帶領下見識一些設計有趣的家品，令其有驚為天人之感，回港便疊埋心水轉科，專攻家品設計。
自立門戶決心測試個人實力
大學畢業後，木下無為先後於英國及芬蘭進修產品設計，贏過多個國際獎項【見表】，在芬蘭期間她開始家品範疇，2006年獲本地零售設計公司Goodss招攬，回港任設計經理，「除咗產品設計，仲學到好多嘢：brand design（品牌設計）、點樣開舖頭；喺嗰度做咗好多年（8年），剛剛約咗佢（舊老闆）食飯，哈哈。」
木下無為形容，舊老闆儼然其父，教曉她許多事情，諸如人事及企業管理，更曾力邀其成為生意拍檔，惜人各有志，她想測試個人實力，2014年毅然離職，創立Form & Shape設計公司，「如果背後有個『爸爸』喺度，你永遠唔知自己得唔得、能力去到邊，同埋覺得就算第時衰咗想返去，佢（舊老闆）都應該唔會唔理我啩（笑）。」
辭職也要有個體面說法，她當年是以結婚為由，「嗰陣準備嫁去日本，想靜一靜，諗吓之後條路點行，唔通個女要嫁都唔畀人嫁咩？哈哈。」出嫁兼創業後，自此她展開港日兩邊走的生活，可擔心與舊老闆競爭？「唔會！佢核心業務係（幫客戶）開舖，尤其我走埋之後，直情連產品（設計）都唔做。」
視覺分類垃圾登上《紐約時報》
醉心家品設計的木下無為，2016年與拍檔創辦ASA Innovation & Technology，同年推出空氣淨化燈Airluna【見另稿】；發展個人事業之餘，不忘貢獻業界，2012年加入香港設計師協會（HKDA），去年成為主席；而她與協會結緣，源於2011年憑着其設計的作品Go Recycle Bin──3個簡潔白色的垃圾分類箱，勇奪HKDA環球設計大獎（GDA）金獎，翌年被邀請入會任委員。
Go Recycle Bin並無文字或顏色區分，直接在垃圾箱上方造出膠樽、鋁罐、紙盒模樣，簡潔美觀，「我住過唔少國家，個個地方（垃圾分類顏色）都唔同，根本分唔到邊個顏色擺乜嘢，所以想用形狀，喺視覺上直接話畀人聽點分類，連小朋友都唔需要教，同埋希望畀到人一種快樂感覺，分類並非沉悶嘅事；呢個設計concept（概念）嗰陣一出，已經上咗《紐約時報》。」
本港女性產品設計師不少，然而單論家品設計界則算是少數，正因女士天生較為感性，作品往往更人性化及多一點感情；木下無為認為家品不應只擁有基本功能，「要有add-on value（附加值），如果做得好，仲會有emotional attachment（情感依附），當你愛上一件設計，會同佢互動，產生感情，就算用舊咗，都唔捨得隨便丟咗佢。」
採訪、撰文：許鎮邦
攝影：黃俊耀、被訪者提供
訂戶登入
| 下一篇： | 虔誠佛教徒 「無為」契合信念 |
| 上一篇： | 聘社群經理炒熱粉絲團 |
