《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年4月19日
15歲男孩，持續數月感覺氣促、胸悶。他由姑媽和姑丈陪同進來診症室。男孩以前健康一直良好，沒有腸胃病史，最近也沒呼吸道感染，心肺檢查、心電圖正常。這個陪診組合，加上年紀輕輕有此病徵，多和家庭及情緒有關。
入正題了。
我：「最近有咩壓力？」
男孩支吾以對，有點不安。還是姑媽開口：「其實我哋好擔心佢，好多問題都唔肯講，淨係匿埋喺間房打機。佢父母做生意嘅，成日唔喺屋企，我哋得閒就去睇佢。」
我和他們磋商，兩星期後覆診，但須由父母陪同。我亦安排了照肺部X光。
兩星期後，父母真的和他同來。我問了病徵，仍是有點胸悶，肺部X光顯示正常。我轉向父母，問一下家中情況。
母親劈頭便罵：「日日淨係識匿喺間房度打機，又同啲friend講粗口，我都唔知可以點。」父親很靜，沒半句說話，只在觀察。
我：「有冇曾經諗過打機其實係一個結果？原因係現實嘅生活，實在太難搵到滿足感，欠缺支援，唯有投入虛擬遊戲世界，嗰度有付出，就有收穫，就有獎勵，而且有朋友同行。所以，因果關係，要先處理因，即係，先處理家庭同學校問題。」我轉向男孩：「學校生活有咩問題？」
他提到連續留級兩年、別人眼光、欺凌、絕望、孤單。說着，眼紅了。
父母也很凝重。
我解釋，氣促和胸悶多是因為情緒焦慮，引起交感神經系統過分活躍而導致。我提議父母多陪伴男孩，多點對話，學習上可以有新方向，讓現實生活多點滿足感，便毋須逃避到遊戲世界。
最後父親吐出一句：「原來年輕人係咁樣諗嘢，我而家至知。以後會多啲留意。」
祝福這個家庭。
多謝身體的說話。
作者為家庭醫學專科醫生
[信健康] 了解青少年心事，醫生資訊要留意！【更多健康資訊：health.hkej.com】
訂戶登入
| 下一篇： | 雷有輝——給二十歲前的我 |
| 上一篇： | 抗癌藥都有雙併？ |
