2022年5月16日
人到中年轉行搞藝術,阿媽起初都幾反對。
阿媽的理由很簡單:人愈老愈難搵錢,加上現在世界大亂,今日唔知聽日事,上半世搵的錢最好收好,不要動老本了。其實最重的是,阿媽不相信藝術。
上一代都以搵食為人生的重中之重,所以讀大學最好找一些將來搵到食的學科,例如我弟弟就讀工商管理,家人都好贊成。我讀新聞,阿媽就好擔心,除了因為新聞行業薪水低,更重要的是,新聞工作是比較危險的行業。我父母雖然都是務實主義信徒,但也從不強迫我,他們的態度是:最好就唔好讀新聞啦!最好就唔好做記者啦!最好就唔好搞藝術啦!我堅持,他們只好就範了。
我從小做的,都是父母們眼中最不實際的行業,我又偏偏做到見得人、搵到食。所以,一直跟朋友說,每個小孩的成長都不一樣,不一定你認為好的就適合他,相反只要他有興趣的,就一定出力畀心機去做,如果可以比其他人用多一倍或三倍時間去做,那一定會比別人做得好。
我一向相信,只要做到極致,就一定有人欣賞。
所以如果你的小孩喜歡藝術、喜歡唱歌表演跳舞,為什麼不讓他/她做?如果他大學不是選工管、機械工程,而是哲學、音樂、藝術,又有什麼關係?讀工管的,不一定成富豪;讀藝術的,也不一定搵唔到食。
以我自己為例,興趣真是最緊要,朋友問我為什麼不用休息?不放假?因為我做的都是自己的興趣,而我每天都過得好快樂,也不用再去找別的快樂。好多謝我父母,他們最多是提出懷疑,從不阻止我,一個人可以一世都做自己喜歡的事,而又能照顧生活,這是人生最大的快樂!
訂戶登入
上一篇: | 《三島由紀夫vs東大全共闘》 |