2022年4月23日
古天樂真是個有心人,拍了條短片為年輕人,特別是考DSE的年輕人打氣。雖不是什麼石破天驚的大道理,我相信即使是成年人,一樣會看到感動莫名。
古天樂是對的,活着就是學「苦」。事實是從來沒有人應允你一個玫瑰園,從來是一步一荊棘,一步一血淚,可是跌跌碰碰,忍吓捱吓呻吓喊吓,不經不覺就走到這年頭。
這幾年又的確是比較苦。一串串的問題,有口難言。如短片所問:「如何讓疫情真正結束?沒有面授,如何好好吸收所學?何時可跟同學見面?保持距離一段日子了,還要表白嗎?不幸確診,如何全力以赴?不敢往外走動,如何減壓……」當然,這個清單可以無限延長,尤其你把小商戶、打工仔的苦水都加進去,此恨綿綿無絕期。
感謝古生把人間種種無奈預告予莘莘學子。他語重心長,眼泛淚光:「唔會所有嘅路都係易行,唔會所有嘅門都會開。」當然更重要的是「等價嘅付出,唔一定有等價交換!」係,這就是憤怒中年掛在口邊的,世界冇真理,人間冇公義,點解我老豆唔係李嘉誠,點解我咁靚仔偏偏要甩頭髮?對這些我們都早已知悉,感同身受,早些告訴孩子們也是好的,也有必要早些建立起抗逆力,皆因世界一直在加速,快到你唔信,早已容不下幼稚和無知。
對了,古生還有這句:「只要盡過力,唔一定需要考第一。」容許我補上一句,考過第一,唔等於你係真係有料,考很多A,也不等於你是好人。我會話,做叻人不如好好做番個人。
訂戶登入