2022年4月9日
道家思想講無為而治與自然和諧相處,放諸生活中就是平衡。Elsie認為,假如一個人認定跟某同事性格相沖,帶着固有偏見,反而不利雙方溝通,「我嘅經驗係同理心好緊要,尤其做老闆,你要明白員工唔係你,如果佢識做晒你嘅嘢,佢都做咗老闆,所以我成日同僱主講,每人角色唔同,但大家係夥伴、相等嘅關係。」
不少人覺得,企業醫生做的都是併購重組、挽救清盤等「大手術」,惟她指出,如人力資源管理做得不好,公司氣氛不和諧,「成件事唔work,企業永遠不能達致健康發展,只會不斷請人,不斷流失,所以我哋唔止focus(聚焦)人事,而係協助企業尋回初心、健康成長。」然而並非每位創業者均有崇高理念,甚至可能只想搵快錢,問Elsie如何處理這種「不健康」初心?「你都睇過醫生,醫生會開藥畀你,但如果你係都要自行停藥,或者死都要食其他藥,醫生控制唔到,所以企業本身有問題,我會盡量幫,如果對方唔願意的話,我會尊重佢哋決定,無得勉強。」
訂戶登入
上一篇: | 企業醫生 道家觀念解難 |