2019年12月31日
個案二
「請問係咪HA員工?」葵涌瑪嘉烈醫院的行人隧道外,兩名年輕人豎起破舊的易拉架,向路經人士推廣。易拉架上貼着「會員招收」四字,但「收」字撕破了,勉強用膠紙貼上。人丁單薄,物資匱乏,這是籌備中的工會「醫院管理局員工陣線」的街站。在年輕人身旁打點着的,是工會籌委Shirley。
Shirley很符合大眾印象中護士的形象:端莊、溫文、漂亮。28歲的她,是港島薄扶林道瑪麗醫院護士。她說籌委只有十多人,辦街站要跑遍全港,「至少大醫院,全部都會去。」街站原定在院內大堂,後來卻要移師院外,「你都知啦,上面未批」,她語帶無奈。
工會未正式成立,打壓的傳聞已不絕於耳,街站的安排是其中一例,「我哋都來回好多次email(電郵),上面都未有答覆,之前試過院內擺,好快就畀人趕。」醫管局主席范鴻齡曾說,醫管局有40多個工會,絕不打壓;但他也補充,醫護必須政治中立。醫管局員工陣線則立場鮮明,「我哋係有政治立場,但唔會影響我哋做嘢,唔會因為對方政治立場唔同,而有差別待遇。」視工會為抗爭手段,Shirley也坦承,「由成立已經有呢個諗法(工業行動)。」
倘罷工維持有限度服務
一個自誕生便籌謀罷工的醫護工會,自然爭議不斷。「可能會好多批評,話我哋係黑醫。」她認同,拯救生命是醫護天職,籌委也共識,即使罷工,還是要維持有限度服務。
執意而行,因為醫管局從不正視訴求,「Popo(警察)真係踩到醫護底線」、「例如入產房,入我哋嘅工作範圍,去同醫護衝突」、「好多人受到不必要傷害,入到嚟醫院,見到佢哋受不公平待遇。唔係政治、黃藍,係對錯」、「HA係無出嚟撐過我哋!」
Shirley表示,試過更和平地抗爭,「綁黑絲帶、連儂牆、公開信、總部接放工……完全得唔到回應。好多醫院,連儂牆都拆埋。」不想走到罷工這一步,但必須讓高層回應,也希望成立工會,能鼓勵其他同事發聲,「希望我哋企出嚟,可以畀到信心佢哋。」她多次提到「白色恐怖」,坦言有害怕的時候,「其實唔會話唔驚。我哋畀得個名出嚟,預咗會發生任何嘢,可能全部人會冇咗份工。」
她形容,2019年之前的自己「係好普通既staff(職員),對政治唔會好忿忿不平。都係呢幾個月嘅事,先會愈行愈前。」自言是社運、工運的新手,面對多方壓力,如何堅持?她笑得明媚,「憑良心咋」、「人人都驚,就冇人出嚟。」
放大圖片 / 顯示原圖
訂戶登入
下一篇: | 咖啡店「黃老闆」向年輕人學習 |
上一篇: | 港女設寵物十字車隊拯救毛孩 |