2018年8月10日
本港銀行相繼上調新造按揭息率,頓成不少業主叫價取態轉捩點。上車屋苑沙田第一城昨天有約四分之一(逾10個)業主叫價軟化,由「無價講」轉為願提供1%至2%議價空間。九龍灣淘大花園則有準買家大打退堂鼓,原預算600萬元內入市,惟昨轉軚先行觀望,短期不作入市打算。
美聯物業助理聯席董事黃錦瀚說,自銀行紛紛上調按息後,沙田區買家「觀望味好濃,(普遍)想執平嘢」,雖然未見有買家臨扑槌一刻轉軚,但普遍業主「好傾咗」。以沙田第一城為例,在約50個有誠意放盤業主中,約25%本不提供議價空間,但昨天也相繼表明可提供1%至2%的議價幅度,當中主要為細單位。
樓價一向低水的東涌區,二手市場同樣被觀望情緒籠罩。美聯物業助理區域經理方吉和透露,「我哋同啲業主傾銀行加咗息,佢哋都有啲觀望情況,但就唔肯額外減(價),買家就審慎咗,要睇定啲先(入市)」,更有個別買家想借勢鋤價。
新港城銀主盤兩度減價
上車屋苑集中的九龍灣亦未能獨善其身,美聯物業高級營業經理徐廣森指出,區內不少業主及買家「開始擔心息口上(升),交投係靜咗」,其中一名八十後準買家原有意以600萬元內預算入市淘大花園兩房單位,惟昨天已轉軚擱置入市計劃。
另外,銀主叫價持續軟化,美聯物業高級營業經理梁榮貴稱,馬鞍山新港城E座低層4室3房單位銀主盤,實用面積618方呎,6月曾叫價830萬元,早前已降價至820萬元,昨再下調10萬至810萬元,意向呎價13107元,叫價較今年5月以838萬元易手的相同面積M座低層4室,低約3.3%。
放大圖片 / 顯示原圖訂戶登入