2023年6月26日

十載風風雨雨 教大正名最難忘

張仁良出任教大校長的近10年間，社會環境也適逢大變。他坦言任內「好多風風雨雨，有開心經驗、唔開心嘅好快唔記得啦」，最開心難忘的當屬教大正名，當年甫上任「校董會就話（正名）係任務number 1、學生都追問時間表」，因此只能盡快推動，笑言「有（時間表）都唔話你聽啦，講咗搞唔掂咪好老土；搞掂咗咪牙斬斬囉！」

「紅黃藍白黑都係我學生」

張仁良憶述爭取正名期間遇上不同挑戰，例如涉及修訂相關法例，當時泛民口頭上支持，卻又利用機會表態，「唔鍾意特首做校監」等；建制派則「好唔鍾意教協、而教協好多人都係我哋嘅畢業生」。他形容過程猶如過三關，「當年都唔知喺中環食咗幾多餐飯（斡旋）」，「呢啲就係politics（政治）」。

談到政治，張仁良提到在反修例風波當中，教大僅3位學生被捕，相信屬各大院校中最少。當時他希望避免事件大規模影響校園，惟學生難免情緒高漲，「我作為校長……一視同仁，無論紅黃藍白黑都係我學生，呢個係我宗旨。」提到首次探望不獲保釋被羈押的學生時，他直言「個小朋友一見我就喊、心都實埋」，又強調其看法至今未變，「犯法唔應該做、唔同意暴力，無論任何形式。」

任內另一爭議是2017年民主牆「大字報」事件，當時校方調查期間外洩閉路電視截圖，令事主容貌曝光，私隱專員公署介入並批評校方違例。張仁良形容事件「好慘、完全係意料不及」，「我當時日日畀人bully（欺凌），日收幾百封email……咩都鬧，但講真我幾廿歲人，鍾意唔睇就唔睇、你咬我食咩？」

談及教大學生會時，張仁良直斥近年學生會臨時行政委員會代表「好似世襲，篤吓鼻哥咁樣就算，呢啲點代表學生」，故決定凍結會方名下約千萬元資產；他亦與下任校長李子建等同僚談及問題，稱校方有專責委員會檢視學生會管治，冀會方改善「真係贏返代表性先得」。

讚繼任人李子建有智慧

對於繼任人，張仁良笑言對方「好有智慧」，毋須由他寄語。他希望一眾未來教師「將政治同教育分開」，面對國安教育等新任務，他覺得「其實係講好factual（事實性）嘅東西咋」，如深入淺出地透過中港護照顏色及貨幣等帶出「一國兩制」，故不覺授課屬挑戰，「睇吓點教嘅啫，如果用到前中聯辦法律部長王振民嗰本書去教，咁就複雜啦，嗰本我哋好多人都睇唔明。」

下一篇：	與法籍妻留港 願繼續做公職
上一篇：	張仁良：港再現包容 人才自然來將卸任教大校長 寄語社會需復和