2020年9月1日
林卓廷上周三清晨被警方上門拘捕,指他涉嫌暴動罪及妨礙司法公正,經通宵扣查後於翌日下午提堂,法庭最終批准他保釋等候兩宗案件再訊。他提到被扣留期間,警方不准他見太太;又以擔心他會「自殺」為由,拒絕向他提供紙筆作書寫,「佢一句話『驚你自殺』就攞咗支筆,我點會自殺啫,大佬呀,最多只會『被自殺』啫。」
讀《聖經》做運動打發時間
林卓廷唯有靠閱讀《聖經》打發時間,並在羈留倉內做運動,和唱《奇異恩典》、羅文的《幾許風雨》及其他抗爭歌曲來維持士氣。
他憶述,警員上門時太太雖然冷靜地攝錄整個過程,但他知道枕邊人一直替丈夫擔心,尤其憂慮日後打壓會變本加厲。故在目前保釋階段,林卓廷稱周末會多抽時間陪伴及安撫家人。
控暴動荒謬 多抽時間陪家人
他形容,對於被捕感覺坦然,亦早已向家人預告,終有一天可能會因為7.21事件而遭檢控,「因為(政權)點都要改寫劇本,我以為係告非法集結或其他林林總總的罪名,但暴動喎,你屈到咁盡,只係令成件事更加荒謬。」
他又稱,在被帶返警署「入倉」一刻已想得通透,覺得必須頂住,「你搵手銬鎖我、上腰間的鐵鏈,都唔會侮辱到我,因為將鐵鏈加在我身上的警隊高層和律政司,個恥辱應喺你哋身上,唔應該喺我度。」
訂戶登入