2021年12月28日
聖誕節長假前港股半日市,恒指高開182點,早段最多上揚189點後回軟,一度倒跌7點,收市升30點,報23223點,半日市總成交金額只得517億元。周一A股表現反覆,早段漲至高位後反覆向下,上證及深證指數收市變化不大。
恒指高開低收陰燭收市,10天線成了重要阻力,10天及20天線現分別於23292點及23552點,兩線皆在急速向下,除非指數升穿及企穩兩線之上至少幾個交易日,否則在短線平均線力壓之下,市底仍會偏弱,指數易跌難升。
騰訊派京東當股息被睇淡
科網股焦點騰訊(00700)公布派送京東(09618)當作股息,公布當日已見股份高位獲利回吐,上周半日市又係高開低收,睇埋今日應可確認消息對股價影響有幾持久。京東美股收市再跌,意味投資者都頗為睇淡是次派股行動,此前的強勢唔容易延續。阿里巴巴(09988)及美團(03690)受此影響,暫時難以扭轉弱勢。
濠賭股金沙中國(01928)及銀娛(00027)借賭牌諮詢結果炒上,估計一部分係大行效應,一部分則是淡倉回補,個人唔太睇好行業,不過若有淡倉在手也要避一避挾倉潮。強勢股就係賭股同電力股,有點過分集中炒賣的感覺,現價暫時唔追了。中國鋁業(02600)大陽燭爆升後出一枝小陰燭,而且陰燭唔算收得太低,是正常及偏利好的回吐,也是入市Call的好機會。另一值得留意的金屬股是江西銅業(00358),圖表出現RSI及MACD底背馳,圖表正蓄勢破降軌,今日先細注落少少Call,走勢對辦再加注。短期指數會非常難估,個股圖表反而仲易睇。
訂戶登入
下一篇: | 2022年央行政策正常化策略部署 |
上一篇: | 電池股光環未退 LIT吼牛熊線低吸 |