2021年11月30日
港股周一反覆向下,外圍美股期貨急速反彈,不過港股及若干亞太股市並未受惠,恒指低開170點後,早段一度倒升53點,午後受到日本等多國封關消息拖累,最多跌306點,全日收市跌228點,收報23852點,連跌兩日累跌887點,大市全日成交總額1445億元。
期指以低位結束11月結算,12月看來唔容易回升,主要阻力在於疫情變化、美國收水步伐,以及互聯網行業監管未完。恒指日線圖則延續跌勢,料將考驗10月初低位支持。10天、20天及50天線現滙集於24900至25000點之間,皆在向下,意味後市下滑機會偏高,任何技術反彈都唔易升穿25000點的平均線密集區。
美團(03690)季績公布後即大幅低開,中段反彈乏力並以偏低位報收,日線圖在10月初的上升裂口,與昨市的下跌裂口形成了孤島,屬於轉向形態,該高位橫行區在265至300元之間,暫時將好難回升至該區間。大行們紛紛調低評級及目標價,雖然主要大行目標價仍在300元以上,但明顯過分樂觀。
銀娛(00027)及金沙(01928)等濠賭股亦成為沽售對象,不過股價自低位回升得較多,大行睇法好個別,有啲話影響唔大,有啲就睇得好灰。純睇圖表,銀娛出咗個尖頂,係明確見頂訊號,有排都唔會見得番以上高位,但亦可能過咗急跌期,轉為窄幅上落,博反彈未輪到佢。
由於新變種病毒影響未定,現水平傾向按兵不動,要Call唔係跌得多的科網股,反而是一眾避險及公用股例如內地電力股昨市就表現亮麗,華能(00902)升得唔錯,潤電(00836)漲得更勁,無期權炒就炒正股或窩輪,下一步要睇埋石油股。
訂戶登入
下一篇: | 疫市尋寶大輪迴 |
上一篇: | First Solar估值吸引 上望130美元 |