《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2021年8月9日
各位「巴打」從上周文章已知道，內地房企老闆都希望透過資本市場操作，例如上市「圈錢」解決財務上的燃眉之急，但往往會成為香港金融詐騙集團欺騙的受害者。高仁於本文進一步話你知，這個金融詐騙集團有五大頭目，除了保薦人和承銷團之外，還有……
戴孤劃：你們之前所說的「財仔」，是不是財務公司、高利貸集團？
程更計：老總原先打算為企業集資20個億，承銷團透過配售圍飛及公開發售只係籌到幾個億，資金缺口超過十幾億，咁你話老總會點算好？
高 仁：有「財仔」就有計，老總務求企業可以成功在本港上市，不惜以幾厘月息向「財仔」貸款十幾億應急，單係每月利息支出已經幾十球（註：1球等於100萬）。我諗橫睇掂睇都係「大耳窿」高利貸集團啩！哈哈！
戴孤劃：高昂的利息開支，老總怎可應付得來呢？
程更計：據聞，老總要把已上市房企部分股份抵押融資，上市房企就通過派發股息畀老總，先至可以勉強應付全年總利息支出。
高 仁：「財仔」在市場上以相對較低嘅息率借錢返嚟，轉過頭以較高利率放貸畀內地房企老總，從兩者之間賺取非常可觀嘅息差收入。「財仔」呢個商業營運模式真係豬籠入水，而內房企業老總就慘慘豬囉！
戴孤劃：老總質押股票會很危險吧！
程更計：冇錯！老總抵押咗上市企業大部分股份，股票操作權自然會落喺「財仔」手上，「財仔」絕對唔怕老總冇錢償還本金或利息，老總一旦無力還錢就會被強制在極低位沽貨，同一時間「財仔」或其他好友可以在低位買入。換言之，「財仔」以極小量資金就可以食咗整家上市公司。
高 仁：由於老總抵押咗上市企業股份嘅緣故，除了本身要避免股價下滑而被斬倉出售股份之外，「財仔」都唔希望老總出現問題影響豐厚利息收入。所以「財仔」會繼而介紹體系內嘅莊家畀老總認識，為股份製造交投活躍嘅假象，期望可以穩定股價。莊家透過一買一賣賺取佣金收入，每個交易日穩袋幾萬元服務費收入。
戴孤劃：這不就是內地的市值管理團隊打成交嗎？
程更計：其實大家仲記唔記得IPO接貨嘅基金經理呢？其實，佢哋都係呢個金融詐騙集團其中一個成員。
高 仁：當然記得。我仲知道，基金經理同莊家手上都持有股份，莊家一來一回為老總製造成交嘅時候，基金團隊會從中搶走莊家手上嘅貨，市場貨源突然減少下，股份價格就自然上升，莊家便要較高價格買入基金經理的出貨。事實上，兩方的持股量會維持不變，但莊家因價差而蝕錢，而基金經理則賺錢。
戴孤劃：不是吧！一般而言，市值管理團隊（莊家）虧錢都是由上市公司老總承擔的，這不是在詐騙上市公司老總的錢嗎！？
高 仁：呢個香港金融詐騙集團規模就係咁龐大，由保薦人、承銷商、「財仔」（財務公司、高利貸集團）、莊家（內地稱為市值管理團隊）及基金經理所組成，五大頭目的專業人員分工清晰明確，導致為數不少嘅上市公司大股東中招。
高 仁：戴Sir嘅內房老總「鐵哥」成為其中一個受害者，只可以話係相當不幸呢。
本欄逢周一刊出
如想與高仁交流上市公司的財技個案及招數，請電郵至[email protected]。
訂戶登入
| 下一篇： | 理文造紙拓展海外生產線 |
| 上一篇： | 滬深港通上周五成交統計 |
