熱門:

2021年6月28日

高仁 財圈識真假

論SPAC可能潛在問題

各位「巴打」,本港監管機構擬短期內向市場諮詢引入SPAC(Special Purpose Acquisition Company,特殊目的收購公司)上市機制,本欄上周率先探討了SPAC與IPO(Initial Public Offering,首次公開發售)的分別。雖然SPAC在本港能否成事尚未可料,惟高仁的「豬朋狗友」依然興致勃勃,一起討論SPAC的可能潛在問題。

限期內未有收購目標須回水

程更計:根據高兄上星期嘅文章,比起傳統IPO上市方法,SPAC的確比較容易審批、慳時間兼省成本,如果香港落實引入嘅話,相信會大有可為喎。

高 仁:哈哈!阿程,我諗你都係想透過SPAC上市機制,可以靠SPAC做多一瓣生意啫。

施友化:SPAC話就話有24個月去完成收購或合併,但實際上其生命周期中可能只有前19個月時間尋找目標,若上市後一直都未能覓得收購目標,或者建議收購目標企業議案遭到否決,再尋找下一個收購目標企業又不成,最後5個月就要準備進入de-SPACing程序,被迫自動解散向股東回水。

程更計:唔使驚,阿程喺大廳。我見有啲SPAC即使未有收購目標,上市後單憑名人效應一樣炒到㷫烚烚,有買有賣做經紀就最開心。

高 仁:其實,若果SPAC未公布收購計劃,其價格已較每股現金水平呈溢價,呢一個並非「正常」嘅市場現象。

施友化:冇錯。有美國學者曾經做過一篇研究論文質疑,SPAC發起人可能較小投資者更着數。因為,SPAC結構產生了很多隱藏成本,例如發起人可獲提供20%股份,令發起人與其他股東嘅利益未必一致,若果投資者一直持有股份,最終可能招致損失。

以前景預測估值 恐買貴貨

高 仁:該研究仲顯示,SPAC收購目標企業會造成攤薄效應,其代價係合併後股價往往可能會損失三分之一。

程更計:如果推介SPAC後股價暴跌,經紀一定會畀個客鬧死啦!

施友化:另外,SPAC收購目標企業所做嘅估值評估,往往係會根據業務前景嘅預測,所得出嘅結果可能會過高,即係隨時會買貴貨。

高 仁:港交所(00388)近幾年大力打擊「啤殼」行為,並收緊規則防止企業借殼上市,目的係唔想投資者買入一啲低質素及擁有不合適資產嘅公司。如果當局建議引入SPAC上市機制,相信必須向市場解釋清楚原因,以及提出保障投資者嘅措施。

程更計:正如以往一樣,香港要追趕市場熱潮之餘,都要做好金融監管制度。

本欄逢周一刊出

如想與高仁交流上市公司的財技個案及招數,請電郵至 [email protected]

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads