《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2019年9月10日
大市昨日反覆偏軟，承接上周大升之勢，恒指昨早升過117點，見26807點，但高位遇回吐壓力，收市報26681點，跌9點。恒指若調整，只要守住8月前浪頂26356點，短期仍有機會上試50天線（27110點）阻力。
中美貿易戰打到如今，美國總統特朗普日日話佢贏晒，中國衰晒，日前仲好清楚咁話中國經濟正面臨57年來最惡劣的一年。57年前即係1962年，這一年中國國生產總值（GDP）總量只係472.1億美元，按年倒退5.6%；同年人均GDP僅71美元，按年下跌6.4%。睇番近呢幾年中國GDP差極都有6%樓上增長，去年GDP總量達13.6萬億美元，點衰得過57年前？
揀股暫宜選內銀內險
中美貿戰的確令中國經濟下行，但美國亦唔好過。《日本經濟新聞》有評論文章指出，美國製造業正陷入萎縮，當地鋼鐵公司自7月開始減產15%，並要解僱密歇根州鋼鐵廠約200名員工。文章又稱，增加關稅無助美國消除貿赤，與去年夏季貿易戰爆發前相比，美國現時的貿易逆差反而更大。此外，美國向中國加徵關稅，導致美企在中國的經營惡化，結果削弱美國本土增加就業的能力。美國8月份非農職位增長低於預期，或可支持這個觀點。
如果侵侵認清形勢，而中國又願意提供下台階，咁中美下月貿談或許有進展，《環球時報》胡老總估新一輪談判有突破，應該唔係無的放矢。當然，中美矛盾好大，談判變數相當多，大家不宜過分樂觀，只係在內地降準放水之下，10月貿談舉行前，股市表現應該唔會太差。
本地社會暴力衝突日甚，本地股份唔易大升， 要買都係揀中資股，可以等股價回吐以期權入市，對象都係內銀、內險同中資券商為主。唔想揀股，可以考慮ETF安碩A50（02823）同南方A50（02822），兩隻都係做緊三角形，同是升抵頂部，趁整固Long入期權博爆邊。《上海證券報》昨有文章提到，過去10次宣布降準後的20個交易日，有6次錄得正回報。有六成機會，細注博吓無妨。
放大圖片 / 顯示原圖
訂戶登入
| 下一篇： | 雅生活強勢 回至16.5元吸納 |
| 上一篇： | 港鐵續尋底 騰訊後市利淡 |
