熱門:

2018年10月25日

邱古奇 股期出擊

博A股反彈 Long Call南方A50

大市昨天反覆下跌,恒指最多跌過152點,也升過307點,收市跌96點,報25249點。大市中長線仲係向淡,但短線出現反彈浪尚未絕望,恒指守得穩25090點,仲有機會造3底。

美股隔晚嚇壞人,道指一度跌逾500點,好在尾段識彈,收市跌幅收窄至125點。美股急挫的其中一個原因係個別企業季績令人失望,工業巨企3M和得州儀器業績未如預期,卡特彼勒(Caterpillar)上季盈利比預期好,但業績展望差過預期,股價一樣要跌,貿易戰的影響開始反映?呢兩日輪到幾家科技巨企派成績表, 美股隨時再有大波動,千祈咪累街坊。

世界繼續紛亂,侵侵話要增建核武庫,直至有人醒悟為止(應該係指中國)。其實世上現存的核武,據講已足夠毀滅地球50次,再增核武庫存又有何威嚇作用?

沙地阿拉伯記者遇害案,侵侵不願同沙地鬧翻,本來想側側膊,但沙地的辯解實在離譜,一個年逾花甲的記者竟然單挑十幾個特工,你估拍緊晚年葉問咩?「侵侵」只得說句「這是史上最差的掩蓋行動」,然後將個波交俾國會,國會會否決定懲罰沙地,最後引致沙地還擊,係一個變數。

其餘歐盟和意大利的財政預算爭議、歐盟同英國脫歐談判可能失敗等都會影響股市。

內銀內險穩陣之選

不過依然相信,阿爺救市行動唔會咁短癮,如果外圍形勢不致太惡劣,中港股市來個死貓彈的機會存在。以上證指數計,由2月高位3587點跌至本月低位2449點,累跌1138點,反彈0.236倍可見2717點;反彈0.382倍可見2883點,昨天收報2603點,即係潛在升幅有4.4%至10.75%。

博A股反彈,呢兩日提過的內銀同內險股,都係較穩陣之選。唔想麻煩揀選個股,可以買指數,例如南方A50(02822),同樣唔會買正股(南方A50係ETF,使費較低,一樣唔買),只Long Call期權,買1萬股約要126000蚊,Long Call兩張行使價13元的11月期權(一張等於5000股),大約只係3700元,輸晒都唔會好痛。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads