熱門:

2018年10月22日

邱古奇 股期出擊

阿爺要托市 港股擬反彈

一行兩會三巨頭再加副總理劉鶴,四大天王出口術力撐A股,雖然中國第三季GDP增長未如人意,中港股市上周五都能夠先瀉後V彈,上證指數升2.58%、深成指升2.79%,恒指先跌364點,至25090點,收市倒升106點,報25561點,短期見底?

四大天王在不同官媒發言,異口同聲話A股泡沫大減,估值偏低,創造投資機會。更重要的是透露會有支持A股的政策跟尾,包括有意修法允許上市公司以「護盤」為由回購股份;銀保監將要求銀行在股權質押品觸及止蝕線時,採取「恰當方式穩妥處理」,又鼓勵保險資金入市。中證監則鼓勵地方政府管理的各類基金、私募股權基金的外資資管等購買上市公司股票。簡單一句,就係為A股引水,為股權質押危機拆彈。有評論認為政策無補於事,A股下跌是因為投資者睇淡中國經濟前景,中美貿易戰加劇,來年內地GDP及企業盈利增速倒退的機會甚大。呢個講法好有道理,不過四大天王出馬,反映阿爺救市心切,救市行動雖頂唔到一世,但頂一時卻未必唔得。

內銀股有隱憂

對於上述救市措施,有一點比較難明,就係銀行處理股權質押品如何才算「恰當」?如何才算「穩妥處理」?難道到咗止蝕線都唔准斬倉?若然如是,銀行的利益又如何保障?看來內銀股又多一個不明朗因素。走勢上,港股有反彈條件,恒指日線圖上周出現曙光初現、9RSI底背馳、周線圖見錘頭,都係短線利好。6月以來,恒指每次反彈都只限於1月起跌幅的0.236倍,話係熊二反彈未免太弱,今次話唔定可以借助內地托市之機,做番一個0.382倍反彈,然後行埋個熊三再散過。恒指由33484點跌至25090點,若反彈0.382倍,目標係28296點。

雖然唔多睇好內銀股前景,但走勢亦有短線見底跡象,以建行(00939)為例,周線圖跌至250周線後出現十字星、9周RSI底背馳,若本周能以陽燭上升,便可出現利好的早晨之星,有望反彈至7元。當然,熊市博反彈係高難度動作,唔對路就要跳車。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads