熱門:

2018年7月13日

方卓如 方如玉帥

唔會再有殼王出現

是好事,比利時同英格蘭終於可以認真踢一場,爭第三。兩隊同組嘅球隊再碰頭,唔係爭冠軍, 都幾失落。法國對克羅地亞,法國場場都踢得輕鬆,反而克羅地亞場場加時,個個五癆七傷。正因如此,克羅地亞係從地獄爬上來,經過重重試煉。正如捱過鹹苦嘅成年人對二世祖,梗係捱過嘅人贏面大。最後一場,克羅地亞成班老嘢,一世仔,必定連命都唔要同你死過,有今生無來世。雖然我想法國贏,但我都信係克羅地亞。

半新股有得炒,全因為定價克制,無蟹貨,兼且市況唔好,撞上廿股齊發,股票盡數落入強者手。圍炒散三招,先要圍晒。有股票頭25名承配人攞咗近九成九配售股票,呢啲情況,在平時係唔容許發生,只有市況差先放你一馬。炒是更容易,有錢就可以任性,炒上一兩倍都無問題。問題是散,而家市況好難搵人買貨。市況咁差,升上一倍,你估仲有無咁多人肯接你貨?況且殼股呢個概念慢慢消逝之後,尤其是創業板(GEM)股價已經無底,跌破一億元都可以,咁你用幾千萬買晒四分一創業板股票,如何能夠寄望在如今市況下畀你順利散晒?

真正可以贏錢嘅半新股,反而係唔會升一倍,只係逐步逐步升,你愈唔信佢愈升,代表貨源真正落入強者之手,唔等錢使,沽貨只係沽畀大戶,唔靠散戶接貨。只有空心嘅公司先要急住圍炒散,有實力嘅公司寧願慢慢行變成「港股通」、指數成分股,咁先係善用上市公司呢個平台。

以前殼股嘅炒法已經行唔通,無資產無盈利嘅公司打上幾百億,無人敢入場,遲早都要打回原形。今年市場咁多大動作,又「同股不同權」,又諮詢文件,就係話你知而家玩法唔同。未來唔會再有殼王出現,只會有小圈子好好經營上市公司。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads