熱門:

2018年7月6日

方卓如 方如玉帥

全港最貴嘅俱樂部

小米(01810)下星期一上市,今日已經傳場外交易股價插水,首日表現不存厚望。再者,上市第一日已經容許沽空,咁嘅市況下,你估買上去定沽落去易贏錢?

第一隻同股不同權股份上市,先有CDR叫停,認購反應冷淡,上市後表現唔理想,對往後的同股不同權影響很大。小米本來用作典範,用嚟打響頭炮。如今呢口炮唔響,往後好難引起熱烈捧場。正如之前幾隻新經濟股表現不似預期,而家新經濟股上市唔再有任何轟烈場面。

香港股票市場成日標榜集資額,話世界排名第幾。其實,真正集資有幾多?好多小型新股上市,規模唔足以吸引國際投資者,國際配售嘅範圍走唔出維港。未來最受歡迎嘅公司上市,一定係內地大型新經濟股,冇盈利但有故事,對公司創辦人最有利,可以將股票變現。但對新買股票嘅股東,佢哋贏面唔大。咁究竟點解有人仲肯買股票?呢個係一個謎。

出現無成交冬眠股

股票市場製造了大量職位,正如澳門賭場造就了不少荷官,分別只係香港嘅唔需要着制服,但同樣都係抽水。萬一股票市場唔需要香港人提供服務,咁就係香港人嘅末日。

而家股票市場已經唔再係香港原居民做主導,慢慢被推離核心。呢個趨勢愈嚟愈烈,5年後唔知仲有幾多香港人係上市公司主席。

而且以前嘅啤殼活動將會漸趨沉寂,上市唔再係厚利生意,隨時係沉重負擔。以後上市公司當係私人公司形式營運,分別只係有交財務報表嘅時間壓力。上市公司唔當自己係上市公司經營,股票自然失去活力。將來會出現一批冇成交、低P⁄E、零派息嘅冬眠股。假以時日,監管機構唔單止唔喜歡現金公司,連冬眠公司都要除牌。等於火山爆發,熔岩慢慢流向市中心,未來連上市公司都唔可以擁有永遠會籍,全港最貴嘅俱樂部,上市公司唔容易做。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads