《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2018年5月28日
各位「巴打」，中國政府支持內地企業「走出去」，但內地民企在海外瘋狂「購物」，除了可能引發走資的猜疑外，也可能令企業債台高築，陷入困局，對金融系統安全構成威脅，最終受到打壓。「高仁指點」話你知，內地企業利用債務融資，可以透過「八大金剛」護法，以符合內地法規。
在披露對話實錄之前，請各位「巴打」與「絲打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
施友化──擁有公司私有化經驗的前「唉賓」，被看中轉型為上市公司CFO；
鍾國通──中資投行「唉賓架」，熟悉中國國情。
戴孤劃： （用普通話發問）高哥，你知道我有一批內地公司，而內地資金都比較緊張，有沒有什麼方法呢？
高 仁： 哈哈！我相信《金剛經》裏面嘅「八大金剛」可以幫到你。
鍾國通： 「八大金剛」？啊！你講緊內地嘅八大債務融資工具。
高 仁： （轉用普通話回答）是的！鍾國通果然是中國通啊。
施友化： 其實，我哋兩年前都有討論過跌市融資嘅方法（高仁註：詳見2016年2月15日的〈跌市融資秘技話你知〉文章），內地企業可以透過債務融資解決問題，其中產品包括短期融資券、中期票據、企業債券同公司債券。
鍾國通： 除咗呢4種產品外，仲有項目收益債券、可交換公司債券、非公開定向債務融資工具同 項目收益票據。
高 仁： 我哋上次已講過內地企業轉去做債務融資嘅原因，不如今次講「八大金剛」嘅發行條件，等戴Sir可以參考一下。
戴孤劃： （再用普通話）「鐵哥們」，感謝啊！
施友化： 先講企業債，內地《證券法》第16、18條規定發行主體需要滿足嘅最低要求，但內地資本市場投資者風險識別、定價、承受能力較弱，可能對發行主體有較高要求，例如民企評級要AA及以上，國企就要AA-及以上。
戴孤劃： （繼續用普通話）鍾哥，要不你講一下公司債。
鍾國通： 沒問題。除咗滿足內地《證券法》第16、18條規定之外，發行主體仲要滿足《公司債券發行與交易管理辦法》第17條規定嘅最低要求，如果需要向公眾發行嘅話，仲要滿足最近3個會計年度實現平均可分配利潤唔少於債券一年利息嘅1.5倍，債券信用評級達到AAA級。如果是非公開發行，發行主體就冇任何財務指標限制，但須保證發行對象不超過200人。
戴孤劃： （忽然轉回廣東話）我知道發行可交換公司債券，相比起股權質押同普通債券，佢哋融資成本可能較低。如果發行人想大額減持上市公司股票，通過發行可交換公司債券可以鎖定二級市場減持價格，避免大幅減持對股價嘅衝擊。你哋可否講吓呢種融資方法呢？
高 仁： （模仿「星爺」戲中橋段）Mmm……戴Sir作為公司嘅大股東，有可交換公司債券傍身係好正常，但發行條件就比較多囉。譬如說，淨資本條件係唔少於3億人仔、發債條件係累計債券餘額唔超過最近淨資產嘅40%、利潤條件係最近3會計年度實現年均可分配利潤唔少於一年利息、評級條件係債券信用級別良好等等。
施友化： 點止呀。大股東預備用於交換嘅上市公司，最近淨資產唔少於15億人仔，或者最近3個會計年度加權平均淨資產收益率唔低於6%。
戴孤劃： 原來要咁多要求，等我再諗下點算。
講完內地企業可以利用的八大債務融資工具，各位「巴打」又知唔知道內地PE Fund（私募基金或私募股權投資）是如何提升業績呢？下周高仁會揭露內地PE Fund的業績包裝術。
本欄逢周一刊出。
歡迎交流上市公司的財技個案及招數，請電郵至 [email protected]。
放大圖片 / 顯示原圖
訂戶登入
