熱門:

2018年4月20日

方卓如 方如玉帥

有投資價值嘅日用品

最近唔止一手樓高價開盤,二手樓價不停創新高,車位又急搶,全城都要買磚頭。不過,近來不斷強調係加息周期開始,樓價又已經連升兩年幾,任何人都會諗未來樓價回落嘅機會好大。點解近期反而樓價愈搶愈高?二手樓沒有發展商高成數按揭支持,隨時要攞一半首期買樓。加息殺到埋身,點解仲有咁多人咁勇,高價買樓?

樓價嘅價值係貨真價實,冇得呃,唔同股價。股價可以炒上幾倍,但樓價必定係真金白銀嘅結果,唔存在炒高樓價散貨,第二日跌九成,冇可能。有人肯真金白銀買,證明有錢嘅人存在,而佢哋沒有更好嘅選擇。沒有更好選擇包括投資選擇,亦包括居住選擇。唔好忘記,樓房都是日用品,你每日都要返屋企。

剛性住屋需求非常剛

而買樓同租樓,唔似股票咁容易俾你轉嚟轉去,唔係話你見今日樓價高,先行沽掉,明天租樓住,兩個月後樓價下跌就買番。樓房呢件日用品,唔係最價格敏感,樓價高你唔會即沽,樓價跌你又唔會斬倉。平嘅樓你唔一定買,最後你可能買件更貴嘅。所以置業呢樣行為,唔可以當作為買股票一樣分析。加息周期開始依然大把人買樓,證明所謂嘅剛性需求非常剛,好多人要搵屋住,明知將來供樓利息上升,寧願食少餐,都要繼續買。

另外,作為一件有投資價值嘅日用品,明知佢有機會價錢回調,都相信佢他朝一日必定回升。就算要蝕讓,起碼賺咗幾年住。對樓房有咁強嘅信念,恍如宗教嘅熱誠,你係唔可以用經濟分析去理解樓市,唔通你可以挑戰信眾點解走去添香油?香港長期樓房供應不足,有錢人可以自由來港買樓,深圳河唔單止係一條地理界線,河嘅兩邊生活的確唔同,至少睇嘅電視節目同手機上網睇嘅網站唔一樣。一日以上嘅因素仍然存在,香港樓市嘅忠實信徒就會繼續買樓。你買唔買樓,唔使分析樓市,分析吓你副身家仲實際。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads