2016年6月17日
美國聯儲局議息會議「冇料到」,加上美股尾市由升轉跌,英國脫歐機會續增,港股一轉周三強勢,昨天幾乎由頭跌到尾。恒指低開後跌勢加劇,即使A股跌幅不大,港股亦無力回升,恒指收報20038點,險守兩萬點關,下跌429點,成交額增加至627億元。
經昨日一支大陰燭下跌,周三的大陽燭頓然失效,完全沒有單日轉向功能,反而只是一次小型挾倉。過去兩三星期本欄不斷強調在靜市低成交下特別容易挾淡倉,周三正好示範何謂無厘頭挾淡倉,明明A股未能「入摩」,卻壞消息當好消息炒。
之所以造淡友也不易為,散戶與大戶基金有別,大投資者睇準一個形勢,有錢有策略地造淡,務求令期指市場對家人多,同路者少。道理好簡單,炒一個脫歐,衝擊或在當日反映完,假如大量同路人,6月24日便有大量淡倉搶住平倉,叫大戶基金何以賺錢,有得賺亦少得多矣。
相反,由5月中至今的一次大挾倉,基本上大量淡友炒家已經傷亡慘重,願意掉頭再沽者少之又少,加上周三的大挾倉又挾走大批淡友,市場上堅持持淡倉的散戶應該少了一大截。
若散戶由淡友變貪平好友更好,這批無實力的散戶一見大冧市即恐慌沽貨止蝕,昨日跌勢如此急勁,相信是由於大批好友散戶止蝕離場,大戶追沽令你無好位平倉。期指市場就是這樣的一個零和遊戲。
要提高命中率,最好是專捉弱股買其Put期權, 震倉唔理,見跌則可追沽,多年來的一次沽空良機近在眼前,只有期權較不易被震走,當然心理質素與信念也很重要。
訂戶登入
下一篇: | 避險升溫 二萬關勢危 |
上一篇: | 歐盟解體未成事 股市散水驚定先 |