《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年9月11日
經營當舖及鐘錶生意多年，Sam不乏私人收藏，坦言以往很喜歡收藏名錶，「做咗10幾年當舖之後，開始對錶有認識同有興趣，知道會升值嘛（笑）。你花錢買一樣嘢會賺到錢，自然有個推動力，唔係玩玩吓，真係有種滿足感。」問他高峰期有多少藏錶，Sam搔一搔頭說：「超過100隻啩，都無乜特別去計。」
常言千金難買心頭好，可有一些珍藏不捨得割愛？「開頭有，而且好多，後來接觸世界多咗，去得多其他地方，發覺個世界咁多嘢，覺得唔係講緊珍唔珍惜（藏錶），而係原來以前自己認為好矜貴嘅東西，其實唔係咁難搵得返，咁就賣囉！賣完再買過，當然要考眼光。」
待斷當買入 喜歡二手平靚正
「（手錶）現時嘅inventory（存貨）梗係多，做生意嘛，不過講到真係收埋嘅，可能得幾十隻，站在商人立場，全部唔係非賣品，你畀到價我都會賣，只係無特別攞出嚟叫人買。」被問到當年第一隻藏錶，Sam坦言無印象，「反而你話好想買嚟戴嘅，我就記得係一隻勞力士boy size『金銀膶』（金鋼款），而家睇返係好儍氣。」
「如果我去錶行買就當然簡單，但我哋做當舖嘅，好少買新嘢，比較想等人『斷當』（當押人不贖回），不過首先要有人嚟當（該款手錶），仲要等佢斷當，我至可以買嚟戴，所以當年等好耐先等到第一隻。」有人或不喜歡二手貨，Sam直言不會在乎，「我哋（當舖）向來做二手，覺得好抵，平靚正。」
建國紀念金幣體現富強之路
至於近年「新歡」錢幣，他亦有故事分享，提到其收藏的一套新中國建國30周年（1979年發行每套4枚）紀念金幣，被視為中國現代貴金屬金銀幣開山之作，「發行原意想賺外滙，嗰陣中國未係好有錢，好似想出7萬套但出唔到，結果出少咗好多，最後好似2萬套咁上下。」
Sam憶述，該套面額1600元人民幣的紀念金幣，當年港人大排長龍搶購，平均入貨價約7000港元，時光飛逝，到他2019年買入，價格已漲至逾4萬港元，然而升值幅度尚在其次，Sam感受最深是近年中國發行愈來愈多金幣，印證國力日趨富強，「由錢幣見到中國呢幾十年發展，威力真係好大。」
訂戶登入
| 下一篇： | 錢幣滿載歷史 講求本土情懷 |
| 上一篇： | 辦展銷有成績 接手營運HICC |
