2022年1月31日
談吐斯文的Henek,看不出原來是一名泰拳好手,已有14年經驗,「嗰陣做股票壓力大,睡眠不足,生活唔健康,所以每日放工都打拳,而家就逢星期二、四朝早打,操返自己(狀態)。」被問到當初為何練武,他笑言父親早年習詠春,惟自己興趣不大,「當年未有甄子丹(電影《葉問》男主角,帶起詠春熱潮),唔覺學詠春係咁cool(有型)。」
辦公室闢打拳房與眾同樂
「我去美國讀書之前,爸爸有教我(詠春),只不過無深入去學;後來因為朋友學泰拳,搵到個場(拳館),一班師兄弟齊齊練,27、28歲時我仲參與過一啲業餘賽,而家就真係為健身。」拳擊對其人生也有啟發,「師傅成日話,打拳嗰3分鐘(拳賽每個回合限時),你打人之餘,都會俾人打,唔會好似沙包咁任你打。」
Henek續說:「創業其實一樣,你無可能每件事都做啱,打拳就叫rolling with the punches(為避開對手轉動身體,意謂隨遇而安、從容應對),俾人打要識避、點企返起身,打到你想要打嘅嘢。」這位拳擊迷更在辦公室闢房間做「打拳室」,設沙包等配套,方便隨時練習。然而關心同事的他,當然並非「自己玩」,對方可隨時入內做運動、練瑜伽,「等大家多啲運動」。
放大圖片 / 顯示原圖訂戶登入
上一篇: | 憑簡單idea改變傳統生意 |