熱門:

2021年9月13日

周一人物

17歲美國女網紅啟發創業

Ivy於2014年創辦VS Media,背後原來受到一名17歲女孩啟發。話說2013年有次她參與一個在灣仔君悅酒店的活動,酒店經理突然入場問是否有大明星出席,因門外有數百少女粉絲要求入內見偶像,「我哋話無喎,無請明星呀」,好奇心驅使Ivy一探究竟,始發現她們正等候當年17歲的美國女網紅Bethany Mota。

把握「粉絲經濟」

「嗰陣佢喺YouTube大概有200萬粉絲(如今約971萬),第一次嚟香港,啲粉絲話一定要見佢。」最終酒店順應民意,事件讓身處現場的Ivy驚覺新媒體威力,「一個17歲女仔,只係每日喺屋企攞住部手機,分享自己着啲咩衫,咁就儲到200萬粉絲,全世界喎!佢嘅影響力比起電視台任何一位藝人有過之而無不及。」

「傳媒世界已經唔同咗,我入TVB、壹傳媒,主要係幫佢哋轉型,因為大家都知一定要變,年輕人而家上網追YouTube、抖音。呢啲人(網紅)好多單打獨鬥、自編自導自演,其實佢哋好有commercial value(商業價值)。今時今日唔再只係媒體畀內容觀眾,反而可以係所謂草根創作人獨立做嘢,吸引到好多follower(追隨者),我就係想建立一個新嘅媒體ecosystem(生態系統),由下而上。」Ivy如是說。她指以往世界由大媒體主導,現在每個人都可以是媒體,「最大問題係好多獨立創作人,有好多粉絲但唔識搵錢,因為唔識同品牌合作,所以往往做得好辛苦;我希望運用本身媒體經驗,幫呢班人搵錢,搵到錢先可以拍更多更好內容,吸引更多粉絲,呢個係好好嘅ecosystem。」

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads