熱門:

2021年5月17日

周一人物

教女兒打麻將學理財

致力培訓內部人才的周志賢(Dennis),積極支持女性同事晉升領導職位,他笑言與家庭背景有關,妻子是其德勤舊同事,如今在某藍籌上市公司負責投資者關係,兩人育有兩名9歲和7歲半女兒,加上工人姐姐,難怪他打趣說回家就像置身女兒國,「我喺屋企(地位)係最底層」。

支持女性晉身管理層

這當然是說笑,對女性人才如此上心,其實出於公平心態,「我覺得無論同事性別、背景係咩,只要有能力,我哋都應該栽培。」惟他慨嘆很多女性在職場仍面對限制,尤其婚後要專心相夫教子,公司過往亦曾因家庭原因,流失不少此類女性人才,「好可惜,如果我哋可以用到呢班咁有經驗、處事咁叻嘅人繼續幫手,等佢哋知道公司好支持佢哋發展,對我哋百利而無一害。」

當年Dennis受父親熏陶而成為會計師,他卻坦言兩個女兒「完全無呢方面遺傳,唔留意數字」;對她們有何期望?「當佢哋15年後大學畢業,到時個世界會係點呢?我諗15年前都唔會有人諗到2021年會係咁,唯一肯定係15年後同而家一定好唔同,所以唔使我擔心,佢哋會根據興趣,摸索到想行嘅路,我只需要確保佢哋唔好行歪路就得,價值觀、諗嘢正面,其他嘢交畀佢哋自己。」

身為資深會計師,總會向女兒灌輸理財之道吧?「會,但佢哋對數字真係唔敏感,(可曾被人『搵笨』?)有呀,畀我囉!利是錢佢哋擺晒喺我度,我話一年畀返1%利息,佢哋已經好開心。」那如何提升她們對數字的敏感度?「教佢哋打牌囉!吖,呢樣(麻將)佢哋反而贏我喎。」

 

放大圖片 / 顯示原圖

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads