2021年3月29日
活力爆棚的李俊亨(Henry)可謂「百足咁多爪」,參與金銀業貿易場活動之餘又經常打拳,更趁公餘時間讀法律,忙到一頭煙,仍不忘回饋社會,最近牽頭集團贊助由中國香港綜合搏擊運動總會協辦的「文武雙全助學計劃」,透過贊助青少年補習及搏擊等項目,冀提高他們抗逆能力,發放正能量。
贊助補習教搏擊
據介紹,該項每期兩個月的計劃,費用全免,暫訂先做兩期,對象為本地中一至中三學生,每期名額30人,第一期4月初開始上課,包括每星期英文及搏擊各一堂;全天候WhatsApp與Facebook群組問功課、搏擊技術支援等,「即係打電話問功課+打電話問功夫」;第二期則於5月展開,現已接受報名,之後視乎反應,決定是否「添食」。
那會否親自落場教參加者打功夫或陪練,Henry說如果有時間絕對樂意,「睇小朋友打拳,其實好可愛,佢哋雖然年紀細,但充滿活力,同我自己練拳有啲唔同,我有時都會練到好攰,苦口苦面,佢哋就永遠笑住去練,覺得係玩,呢種心態我都想向佢哋學習返。」
放大圖片 / 顯示原圖訂戶登入
下一篇: | 推動發牌制 洗倫敦金污名 |
上一篇: | 拳壇「戰鬥機」 比賽6年贏多輸少 |