2021年3月1日
生於飲食世家,Kimmy練就一身好廚藝,惟她笑言是長大後才練成,因小時候家中「廚神」雲集,輪不到她揸鑊鏟,只能趁父母不在家時,偷偷入廚房「大展身手」,試過幾乎闖下大禍,「我鍾意食芝士,掉嚿芝士落油鑊炸,幾乎燒咗個廚房,外面看更叔叔見到屋企冒煙,即刻通知我屋企人。」
發憤讀書 把scar變star
入得廚房之餘,皮膚白皙的她也屬運動健將,小學已是校內100米短跑冠軍,之後轉戰三項鐵人賽,因家族人脈甚廣,更跟過華裔網球名將張德培學打波,近年則愛上潛水。然而,沉迷運動亦曾付出代價,「細個讀宣道小學,成績好差,3年班同5年班都留過班,第二次幾乎踢出校,要媽咪喊住去同校長求情。」慈母淚對Kimmy如當頭棒喝,自此發憤讀書,翌年考獲全級頭10名,「前幾年小學60周年,校長(時任校長關美梅)請我返去演講,我都好想同年輕人分享,你呢刻嘅考試成績,唔係define(定義)你將來對社會有無貢獻,而係要turn your scar into star(將你的瘡疤變成星星),呢個亦係我嘅信念。」
放大圖片 / 顯示原圖 放大圖片 / 顯示原圖訂戶登入
上一篇: | 復興祖業續「緣」解情意結 |