2021年1月18日
離開電視行業多年,周梁淑怡坦言,近年已很少觀看;對新增的兩個免費電視台,她認為電訊盈科(00008)旗下ViuTV較貼地和有創意,能夠吸引年輕一代,「雖然規模細,但approach to creativity(創造力的方法)係,sorry to say,好過TVB。」
她又指出,ViuTV資源比較少,不代表製作的節目不叫座,「人哋硬係覺得最緊要創作嗰班人係咪搏命去做呢?就算你low budget(低成本)都好,係咪搏晒老命去做一啲勁嘢呢?而家相對而言,佢(ViuTV)同個社會relevant(相關)啲、貼地啲。」
政府無帶頭謀劃電視業發展
至於其他電視台,她的評語是「好老,同埋啲嘢無push boundaries(推到極限),有啲食老本。」以法庭劇為例,她表示有劇集寫得「唔真實」,香港法庭根本不是劇中面貌,只能騙倒一些未入過去的觀眾。
特區政府2013年宣布發牌予兩間新的免費電視台,變成三雄鼎立局面。周梁淑怡認為,若要加強市場競爭,不一定是發牌,而是政府與業界一同規劃行業發展藍圖,「你睇英國,佢都有好多個台,但每個都有特色,令到競爭健康進行」,例如第四頻道(Channel 4)專門播放獨立製作,為英國中小型公司提供生存空間,大台無法壟斷市場。
周梁淑怡聲線洪亮地補充:「好多分析define(定義)成個電視行業出嚟畀啲乜嘢公眾睇,你問下香港政府有無做?所以你話邊個負責?個個都要負責,政府first place(排第一),又要畀空間、又要畀框框,係難!咁你要畀專業人士做囉。」
放大圖片 / 顯示原圖訂戶登入
下一篇: | 為政者與大眾脫節怎管治 |
上一篇: | 《雙星報喜》感自豪 絞盡腦汁唔笑唔播 |