《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2023年7月12日
71歲女士，有高血壓、糖尿病、心血管病史，在覆診時透露最近數月情緒低落。
我：「最近有啲咩令到你唔開心？」
女士：「冇乜特別，屋企都好好，就係自己自動情緒低落。」
我：「屋企同邊個住？」
女士：「先生同3個女。我哋好好㗎，3個女都係專業人士。」她對下一代十分自豪。
我：「咁以前有冇試過情緒低落？」
女士：「嘿，我好細個已經情緒低落啦，當時已想死咗佢。」
有些抑鬱症患者屬於「內源性」抑鬱（endogenous depression），意指沒太多外在因素（如壓力、創傷）引起的情緒低落。這種抑鬱，用藥物處理反而是重點。
我：「幾細個？當時有咩難受？」
女士：「10歲左右啦，嗰陣阿媽就愛錫家姐多啲，對我就唔係咁好啦，成日打我，屋企有咩都係我做。阿媽都好明顯有情緒問題啦。嗰陣已經成日想自殺。」
我：「真係好難想像你點樣過童年。咁乜嘢令到你堅持繼續生活落去？」女士：「窮囉，同埋驚。」我：「點解？」
女士：「諗過喺山上跳落嚟，但又無錢搭車上山；行過海邊諗住跳落去，去到亂石旁邊又驚，諗諗吓都係返屋企，點知遲咗返去又畀阿媽打……」雖然有點戲劇性，不過，都是難以理解的痛苦。
我：「後來點樣？」女士：「一早出嚟做嘢，冇乜讀書啦，直到結咗婚之後就好啲，好似有返啲自己。我唔想好似上一代咁呀，所以我教好3個女，佢哋大學畢業，都係專業人士。最衰自己情緒低落……」
我：「唔好咁樣話自己，要對自己公平啲，你咁大難關都過到，養大啲女咁叻，首先就要讚吓自己。你呢種抑鬱症，藥物治療效果會較顯著，要開始食藥嘞！」女士欣然接受。
抑鬱固然有遺傳因素，但家庭對下一代的性格及情緒影響，實在太大。父母要小心經營關係，留意對子女的態度，注意公平。很多人內心的痛苦，是來自原生家庭和父母的問題。而這些痛苦衍生的行為，又會傷害自身家庭成員，實在可惜。
作者為家庭醫學專科醫生
[信健康] 抑鬱也有遺傳因素，精神資訊要留意！【更多健康資訊：health.hkej.com】
訂戶登入
