《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2022年9月14日
「你覺得他會回來嗎？」每逢佳節倍思親，奈何中秋節人月兩團圓並非必然。舅父在迎月夜剛好是頭七，大表姐心結未解，徹夜未眠，遂在WhatsApp向我打開心扉。
舅父以前在內地經商，生意遍及整個廣東省，曾經住在獨立屋。記得小時候放暑假，我經常到他家住上一頭半個月，與大表姐感情形同親生姊妹。後來，舅父被內地手下「食夾棍」，一夜間一無所有，家道中落。不久大屋搬細屋，我便再也無法在他家過夜，但有年中秋晚飯，表姐嬲到差點反枱，今日依然歷歷在目。
「淨係死剩把口，只識在屋企自吹自擂，而家連供我去外國讀大學都話無錢，你睇你幾無出息，人哋啲老豆幾架勢！」大表姐當時正值反叛期，加上留學夢幻滅，一時按捺不住瘋狂爆seed，說罷便擲下筷子跑出去。
「無事、無事，女仔青春期係會脾氣大啲，你哋夾埋隻雞髀食，佳節流流，唔好放在心！」舅父還替表姐講好說話。
聽阿媽講，舅父之後轉行揸的士，收入不算差，問題是他有兩個女，手掌手背都是肉，實在難以應付兩個女兒到外國升學的費用。再者，他認為與其幫人供樓，不如自己買樓，寧願留低磚頭給兩個女兒更實際。
印象中，舅父幾乎每次帶我們外出，自己總是不點任何東西，有時吃表姐們的口水尾，有時回家再煮即食麵醫肚，更試過載着我偷偷看她的女兒放學，並叮囑我要勤力讀書，將來做表姐的學妹，這些是我同舅父之間不能說的秘密。
人就是如此，父母未必會記的恨，子女卻會耿耿於懷，大表姐有勇氣向我懺悔，但幾十年卻無勇氣對舅父說句對不起。「放心，你想見到舅父嘅話，佢一定會返嚟見你。」我只能這樣開解她。
只要愛家，所有爸爸都是超人爸爸。
訂戶登入
