熱門:

2021年7月14日

冼銘全醫生 銘記醫心

學習放下

65歲女士雙手指節疼痛多月,抽血檢查發炎指數及類風濕指數正常,X光片顯示關節退化,沒有侵蝕。

女士:「痛到死,痛到夜晚瞓唔到!點好?有無勁啲嘅止痛藥?」

我:「最近做好多手作嘢?」

女士:「因疫情多咗啲家居清潔,我好大力抹㗎。」

我:「呢輪最擔心乜嘢?」

女士:「擔心老公同個女中招,又驚自己有事連累佢哋。」

我:「老公同阿女最近有什麼問題嗎?」

女士:「無。」

我:「咁人生中有無一段時間覺得好難受?」

女士秒答:「有,當年父親過世,我好一段時間不敢回家,好難過。當時我23歲。前幾年妹妹因乳癌離開,又好難過。我同家人關係好好。」

我:「有無同其他人講?」

女士:「無,但我每天寫日記,寫低每日唔開心嘅嘢,一本一本儲埋。」

我:「每天寫,變咗不斷要自己經歷這痛苦;儲埋,即是叫自己要繼續擁抱傷痛,意義何在?在天上的父親同妹妹會想見到你咁樣咩?」女士默然。

我:「內心積累幾十年的痛,難怪對你最忠誠的身體(關節)也為你痛,一般退化不可能這般痛吧!」(很多痛症會因情緒而加劇)女士默然。

我:「不要繼續寫,嘗試將紀錄撕掉,甚至一把火燒掉,話畀自己聽要放下。跟住從記憶裏搵番同屋企人開心嘅片段,慢慢儲番啲開心畀自己。多留意自己,不是其他人。」

女士:「從來無人咁樣提我,我會試吓。」

沒有再討論止痛藥。因為彼此明白,止痛藥不再是重點。

作者為家庭醫學專科醫生

 

[信健康] 放下自己過生活,專科資訊要留意!【更多健康資訊:health.hkej.com

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads