熱門:

2021年1月7日

達聞西 競技研究院

無可救藥

講個笑話畀大家聽,「壞孩子」祖爾巴頓話:「唔會天真到覺得成日做啱嘅事,會趁呢次時候變成更好嘅人,以迎接下個執教機會。」呢位紐卡素名宿2004年至今都冇停過做錯事,傳媒羅列咗26項官非或是非,簡直係無可救藥!

從用煙頭插隊友眼、打交、醉酒駕駛、非法賭博,祖爾巴頓可謂花樣百出!兩年前執教英甲球隊費列活特,去年4月又喺球員通道襲擊班士利領隊史頓度,case因新冠疫情至今未審理,不過到上庭嗰陣身份已經係前費列活特領隊。

球會周二發聲明宣布巴頓離職,短短十幾隻冷冰文字,換來巴頓幾百字抒情長文,又感謝球會上下包容,又話自己所做一切,無非想球隊繼續進步,幾有文青feel啊!不過,當知道導致佢被炒原因,佢根本唔值得同情。

原來,舊年12月19日對韋根賽後,巴頓同前鋒捷迪伊雲斯嗌交,之後以紀律原因驅逐對方出隊!巴頓學人講紀律?真係笑大人個口。結果,球會班主比利經過一輪調查後將大信封交畀巴頓,捷迪伊雲斯反而可能有得留低。

伊雲斯名聲盡毀

38歲嘅巴頓講到會改過自新,查實肯改就唔會搞到今日田地啦!32歲嘅捷迪伊雲斯反而值得畀機會,皆因佢嘅遭遇更值得同情,2012年4月効力錫菲聯時捲入強姦少女案,坐咗兩年幾監都不停咁上訴,終於提出新證據還清白!

不過,捷迪伊雲斯已經名聲盡毀,出獄後向錫菲聯同其他低組別球隊敲門,結果遭到球迷聯署反對,好多球會都擔心影響口碑,拒向呢位坐過冤獄人士打開大門!直至2016年加盟車士打菲特先重返球壇,2018年加盟費列活特先復勇。

捷迪伊雲斯効力兩年幾入37球,今季英甲聯亦射入5球,成為球隊嘅二號射手,助球隊排喺第十位。之前,一度傳出佢會被費列活特放棄啫,即刻有好多間球隊想收留佢,包括英冠嘅普雷斯頓、英甲嘅新特蘭同葉士域治。

從捷迪伊雲斯嘅悲慘遭遇,亦反映英美左膠嘅偏見,點解球壇「歧視」呢位釋囚人士嗰陣,呢班人冇為佢出聲呢?如果捷迪伊雲斯係坐過冤獄嘅黑人球員,佢重返球壇會唔會順利得多呢?怪就怪佢係金髮美少年啦!

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads