《信報》印刷版出報日為星期一至六。
除以下公眾假期外，其餘日子照常出刊：
休刊日：逢周日及2023年1月23日
至25日、4月8至10日、12月25至26日
《信報》網上版及流動版於休刊日將如常更新每日即時新聞，
敬請留意。
2020年9月1日
秋官唱腔：「無敵是最寂寞，最是痛苦！」呢句歌詞套落球壇，要改為青訓是最寂寞，有「球星搖籃」美譽嘅阿積士，陣中23歲球星雲迪碧克將以4000萬英鎊加盟曼聯，另一個黃金一代畫上句號。
阿積士今夏仲賣咗薛耶治畀車仔，上季放走馬菲斯迪歷特、法蘭基迪莊、多爾貝治，呢隊由坦哈格一手建立嘅歐聯黑馬，就剩低大衛拿尼斯同奧拿拿兩個搶手貨。試問，有邊隊好似阿積士咁連底褲都可以賣埋啊！
究竟點解呢？咁就要聽埋秋官下兩句歌詞：「未得一展抱負，更是痛苦！」阿積士係全能足球嘅家鄉，祖先遺訓除咗打進攻足球，仲有靠青訓建立球隊，唔似巴塞呢類欺師滅祖嘅叛徒，假全能足球之名，行金元足球之實！
阿積士新亞精神
阿積士揸緊宗旨搞青訓足球，自然唔會隨波逐流，更加唔會痛苦。於是，十年八載就會出一批天才，逐季賣乾賣淨就再等收成，就算遇上青黃不接，都仍然孤身走我路！呢種精神同新亞精神相通：艱險我奮進，困乏我多情！
一座城市一間球會，難免有高低起伏，最緊要唔背棄傳統，堅持做番自己，等待黎明。阿積士呢種青訓足球，從告魯夫、尹巴士頓、柏金、施多夫、雲達華治、伊巴謙莫域……幾十年嚟長盛不衰，就知行之有效啦！
坦哈格近兩季都稱霸荷甲，正正繼承咗傳統智慧，高價賣人低價掃貨，好似今夏就以1500萬歐羅買咗巴西U23國腳安東尼，呢位聖保羅前鋒矮小靈活，技術同速度好驚人，今季分分鐘又上位，出年轉個手又賺半億。
樓上嘅球千仞怒鏟巴塞，達聞西都有同感，堂堂豪門毫無原則，如今連球王美斯都大玩「逃課」，缺席新冠測試同季前操練，話自己想離隊就玩失蹤？喂！巴塞唔係北韓球隊，美斯唔係球員甲乙丙，有番少少責任感好冇？
阿積士嘅事跡應該多報道，佢哋證明世界好大、人才好多，唔好淨係望住球星，形成哄搶炒高轉會費，咪盞益咗經理人？成日話疫情下出現新常態，好多豪門其實講一套做一套，一方面減薪一方面大手買人，呢啲就叫虛偽啦！
放大圖片 / 顯示原圖
訂戶登入
